Sunday 8 December 2019
Home      All news      Contact us      English
tert.am - 19 days ago

Դատարանում վիրավորական արտահայտություններ հնչեցին պաշտպանական կողմի նկատմամբ. եթե դատարանն այս վիճակը չշտկի, պետք է մտածենք՝ արժի՞ մտնել այս դահլիճ, թե՞ ոչ. Հայկ Ալումյան

Բացարկի վերաբերյալ որոշ ելույթներ ավելի երկար էին, քան բացարկները: Այս մասին Ռոբերտ Քոչարյանի և մյուսների գործով դատավարությանն ասաց Ռոբերտ Քոչարյանի պաշտպան Հայկ Ալումյանը՝ անդրադառնալով դատախազ Պետրոս Պետրոսյանի բացարկի միջնորդությանը առարկող ելույթներին:

Դատարանում՝ դատական նիստի դահլիճում, մի քանի անգամ այսօր վիրավորական արտահայտություններ հնչեցին պաշտպանական կողմի նկատմամբ: Դատարանը պետք է ստեղծի այնպիսի վիճակ, որ մեզ վիրավորելը լինի անհնարին, հիմա թե դատարանն ինչպես կանի, մեր պարտականությունը չէ մտածել այդ մասին: Մենք, եթե մտնում ենք այս դահլիճ, մենք պետք է համոզված լինենք, որ մեր նկատմամբ վիրավորանք չի կարող լինել, եթե դատարանն այդ վիճակը չի կարողանում ստեղծել, ապա մենք պետք է մտածենք՝ ընդհանարապես մտնե՞նք այս դահլիճ, թե՞ չէ :

Նա ասաց, որ իր ֆրանսիացի գործընկերը, որը Քոչարյանի պաշտպաններից է, հեռացավ դատից: Հայկ Ալումյանի խոսքով՝ ինքը չգիտի, թե ինչու նա հեռացավ, բայց ենթադրում է, որ չի հասկացել, որ սա դատարան է: Հավանաբար, նա չի տեսել, որ դատարանում այս տեսակի վիրավորական հայտարարություններ հնչեն, կարելի է սրան անվանել ամեն ինչ, բացի նրանից, որ դատարան է ու դատական նիստ է ,- ասաց նա:

Հայկ Ալումյանն այնուհետև նշեց, որ իր անունից է ասում՝ եթե դատարան մտնելուց վստահ չլինի, որ վիրավորական արտահայտություններ իր հասցեին չեն հնչելու, ապա հնարավոր է, որ ուղղակի ի վիճակի չլինի այդտեղ մտնել: Դուք պետք է ստեղծեք իրավիճակ, որ ի սկզբանե հնարավոր չլինի ինձ վիրավորել ,- ասաց նա՝ դիմելով դատավոր Աննա Դանիբեկյանին: Պաշտպանը միայն անդրադարձավ հնչած այն փաստերին, որոնք հնչել են պատշաճ բառապաշարով: Նա ասաց, որ փաստարկ էր բերել, որ դատախազ Պետրոս Պետրոսյանը պարտավոր էր քրեական գործ հարուցել հենց այն ժամանակ, երբ ՀՀ վարչապետը հրապարակայնորեն կոչ էր արել արգելափակել դատարանները, ինչը և արվեց։ Արգելափակողների մեջ պաշտոնատար անձինք էին, որոնց վերաբերյալ քննությունը միայն ՀՔԾ-ն կարող է իրականացնել, պարոն Պետրոսյանը իմ ասած մասով, նշեց հետևյալը՝ պարոն Ալումյանը, երևի, տեղյակ չէ, որ այդ փաստի վերաբերյալ քննություն է իրականացվել, համապատասխան դատաիրավական որոշում է կայացվել, որն էլ բողոքարկվում է: Սա դասական կես ճշմարտության օրինակ է: Պարոն Պետրոսյանի բերած օրինակը մասնավոր դեպք է, որը հիմա բողոքարկվում է, բայց երկրի վարչապետի կոչերի հետ կապված, որը սահմանադրական կարգի տապալման դասական դրսևորում է, և ծանրակշիռ հիմքեր կային, որ գործ հարուցվեր, որովհետև իշխանության երկու ճյուղերը արգելափակում էին երրորդ ճյուղը, չարվեց: Դրա հետ կապված քննություն չի իրականացվել, պարոն Պետրոսյանը ոչինչ չի արել ,- ասաց նա: Հայկ Ալումյանն ընդգծեց, որ իր փաստարկի դեմ Պետրոսյանն առարկել է՝ ասելով մասնակի ճշմարտություն: Նրա բոլոր փաստարկները կիսաճշմարտություն էին և հիմնված էին կիսաճշմարտությունը խիստ դատախազական տոնով արտաբերելու վրա ,- նշեց նա: Անդրադառնալով տուժող կողմի ներկայացուցիչներից Սեդա Սաֆարյանի ելույթին՝ Ալումյանն ասաց, որ Սաֆարյանի հայտարարությունները հիմնականում զգացմունքային են: Ցանկացած փաստարկ, որ հնչեցվեց տիկին Սաֆարյանի կողմից այստեղ, դատաքննության ընթացքում հատ առ հատ հերքելու ենք, բոլորին պարզ է դառնալու, որ նրա փաստարկները ոչինչ չարժեն իրավաբանական տեսանկյունից, դրանում բոլորդ կհամոզվեք: Ուղղակի սա այն փուլը չէ, որ սկսեմ անդրադառնալ դրանց: Ուղղակի հիմա միտինգի մակարդակի հայտարարություններ են հնչում, որոնք հետո դառնում են խոսակցության թեմա՝ որպես ճշմարտություն ,- ասաց նա: Հայկ Ալումյանը ցանկանում էր անդրադառնալ Սեդա Սաֆարյանի այլ հայտարարությունների ևս, բայց դատավորը հայտարարեց, թե այս փուլում դրանք չպետք է նշվի: Ալումյանն էլ ասաց, որ հասկանում է, բայց եթե դատավորը թույլ չտար Սաֆարյանը այդ հայտարարություններն աներ, ինքն էլ ստիպված չէր լինի անդրադառնալ դրանց: Կուզեի տիկին Սաֆարյանի ելույթից սկսեիք այդ հայտարարությունը ,- ասաց նա դատավորին: Դատարանը հեռացավ խորհրդակցական սենյակ՝ բացարկի միջնորդության վերաբերյալ որոշում կայացնելու: Պետրոս Պետրոսյանի բացարկի վերաբերյալ որոշումը դատարանը կհրապարակի 17:50-ին:

Related news

Latest News
Hashtags:   

Դատարանում

 | 

վիրավորական

 | 

արտահայտություններ

 | 

հնչեցին

 | 

պաշտպանական

 | 

կողմի

 | 

նկատմամբ

 | 

դատարանն

 | 

վիճակը

 | 

չշտկի

 | 

մտածենք՝

 | 

արժի՞

 | 

մտնել

 | 

դահլիճ

 | 

Ալումյան

 | 
Most Popular (6 hours)

Most Popular (24 hours)

Most Popular (a week)

Sources