Thursday 5 December 2019
Home      All news      Contact us      English
tert.am - 17 days ago

«ԱյԴի բանկը» բողոքարկել է Երևանի ընդհանուր իրավասության դատարանի վճիռը. չնայած դատական գործընթացին՝ բանկը շարունակում է պահպանել կայունությունն ու իրացվելիությունը (տեսանյութ)

Երևանի ընդհանուր իրավասության դատարանը հրապարակել է Բ. Մ. Լ. Արզնի ՍՊԸ-ն և նույն ՍՊԸ-ի սնանկության կառավարիչն ընդդեմ Անելիք Բանկի գործով վճիռը, որով բավարարել է հայցը և վճռել հօգուտ Բ. Մ. Լ. Արզնի ընկերության Բանկից բռնագանձել շուրջ 22 մլն ԱՄՆ դոլարին համարժեք գումար: ԱյԴի Բանկի Վարչության նախագահ Մհեր Աբրահամյանը նշում է, որ Բանկը չի ընդունում վճիռը և շարունակելու է պնդել, որ գրավի առարկա Արզնի հանքային ջրերի գործարանի օտարման գործարքում Բանկը չի խախտել որևէ նախապես ձեռք բերված պայմանավորվածություն:

Հայաստանի Հանրապետության պատմության և Հայաստանի բանկային համակարգի ողջ պատմության մեջ չի եղել նման մեծության և էության դատական գործընթաց: Այս առումով այն իրոք աննախադեպ է: Մենք արդեն բողոքարկել ենք այս դատավճիռը Վերաքննիչ դատարան և լիահույս ենք, որ վերաքննիչ դատարանը կկայացնի որոշում, որը տեղավորվում է արդարության և տրամաբանության սահմաններում ,- ասել է ԱյԴի Բանկի վարչության նախագահ Մհեր Աբրահամյանը։ Մհեր Աբրահամյանը նշեց, որ Գևորգ Աֆանդյանը, ով նախկին Սթար սուպերմարկետների ցանցի, Արզնի հանքային ջրերի գործարանի, Բյուրակն և այլ ընկերությունների խմբի իրական շահառուն է, բանկից վերցրել է 7 մլն դոլար վարկ՝ փոխարենը գրավադրելով Բ․Մ․Լ․ Արզնի ընկերության գույքը՝ այդ թվում հանքային ջրերի գործարանի շենքը։ Չկատարելով վարկային պայմանագրով ստանձնած պարտավորությունները՝ գույքը բռնագանձվել է: Բանկը, սակայն, համաձայնել է Գևորգ Աֆանդյանին բացառիկ նախապատվություն տալ՝ իրեն կամ իր կողմից նշված անձին երկու տարվա ընթացքում գնելու այդ գույքը, իսկ այլ անձի օտարելու դեպքում պարտավորվել է վճարել գույքի բռնագանձման արժեքի հնգապատիկի չափով տուգանք։ Բանկը կատարել է իր պարտավորությունը՝ վաճառելով տվյալ գույքը Գևորգ Աֆանդյանի կողմից նշված երրորդ անձին ՝ Տարմակ ընկերությանը, որը հատուկ ստեղծվել է հենց այդ նպատակով: Գևորգ Աֆանդյանի որդին ՝ Վահե Աֆանդյանը այդ ընկերությունում առանց որևէ ներդրման ստացել է 33 տոկոս փայամասնակցություն ,-ասել է ԱյԴի Բանկի վարչության նախագահը։ Գործը քննել է Կոտայքի մարզի առաջին ատյանի դատարանը, որը քննել է նաև Գևորգ Աֆանդյանի ընկերությունների սնանկության մի քանի այլ գործեր ևս։ Հայցը ներկայացվել էր սնանկության դատարան, Կոտայքի մարզի ընդհանուր իրավասության դատարան, երբ Անելիք բանկը գրանցված է եղել Երևանում, հետևաբար գործը պետք է քննվեր այն ժամանակ Կենտրոն և Նոր նորք համայնքների ընդհանուր իրավասության դատարանում, այսօր Երևան քաղաքի դատարանում: Դատարանը մի շարք դատավարական և նյութական իրավունքի նորմերի խախտումներ է իրականացրել և այդ հիմքով գործը կրկին վերաքննիչ դատարանում է ,- ասել է ԱյԴի Բանկի իրավաբանական վարչության ղեկավար Արթուր Մելիքյանը:

Վերաքննիչ դատարանը, բեկանելով առաջին ատյանի դատարանի վճիռը, գործն ուղարկել էր նոր քննության, նշելով, որ դատարանը չի բացահայտել խնդրահարույց համաձայնագրով որոշված կողմերի իրական կամքը: Որոշումն առնվազն ստվերում է Կառավարության կողմից ներդրումային միջավայրն առավել բարենպաստ դարձնելու ջանքերը, վճիռը ձեռնոց է նետում առողջ բանականությանն ու բանկային համակարգին: Խնդրին օրերս անդրադարձել է նաև ԿԲ նախագահ Արթուր Ջավադյանը՝ ԱԺ ամբիոնից մատնանշելով այն հիմնական վտանգները, որոնք նման նախադեպի պարագայում սպառնում են ՀՀ բանկային համակարգին և երկրի ներդրումային գրավչությանն, ընդհանրապես։ ԱյԴի Բանկի վարչության նախագահը միաժամանակ վստահեցնում է, որ Բանկը գտնվում է շատ կայուն և իրացվելի վիճակում: Մենք ունենք լուրջ ռազմավարություն, նպատակ զարգացնելու բանկը և դարձնելու առաջատար բանկը ոչ միայն Հայաստանում, այլև տարածաշրջանում: Հավատացնում եմ, որ բանկի որևէ հաճախորդ, որևէ կերպ չի կարող տուժել, որովհետև Բանկն ունի առավել քան բավարար կապիտալ և իրացվելություն ,- ասել է ԱյԴի Բանկի վարչության նախագահ Մհեր Աբրահամյանը։ Բանկերի միությունը, ուսումնասիրելով դատարանի վճիռն ու ծանոթանալով գործի մանրամասներին, գտնում է, որ գործը քննելիս դատարանը չի ելել արդարադատության բուն էությունից: Գործարքը, իրականում, անմիջականորեն Գևորգ Աֆանդյանի հետ երկարատև բանակցությունների արդյունքում է կնքվել: Բանկի ներկայացուցիչները որպես ամփոփում նշում են, որ եթե անհրաժեշտ լինի, ապա կհրապարակվեն նաև ամբողջ նամակագրությունն ու իրավական հիմքերը:

Related news

Latest News
Hashtags:   

բանկը

 | 

բողոքարկել

 | 

Երևանի

 | 

ընդհանուր

 | 

իրավասության

 | 

դատարանի

 | 

վճիռը

 | 

չնայած

 | 

դատական

 | 

գործընթացին՝

 | 

բանկը

 | 

շարունակում

 | 

պահպանել

 | 

կայունությունն

 | 

իրացվելիությունը

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources