Saturday 7 December 2019
Home      All news      Contact us      English
azatutyun - 19 days ago

Անդրանիկ Քոչարյան․ Երկրորդ նախագահի պաշտպաններն ամեն կերպ փորձում են հետաձգել բուն դատաքննությունը

Երկրորդ նախագահ Ռոբերտ Քոչարյանի պաշտպաններն ամեն ինչ անում են՝ Մարտի 1-ի գործով բուն դատաքննությունը հետաձգելու համար։ Խորհրդարանում լրագրողների հետ զրույցում նման հայտարարություն արեց Ազգային ժողովի պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը։ Մարտի 1-ի փաստահավաք խմբի նախկին անդամի խոսքով, երկրորդ նախագահի խափանման միջոցը փոխելու ու մյուս միջնորդությունները պաշտպանները հենց այդ նպատակով են ներկայացնում․ - «Հետո իրենց ազդեցության տակ գնտվող ինչ-որ կայքեր, հեռուստաընկերություններ անընդհատ ասում են՝ բա խի՞ չի սկսվում դատաքննությունը: Հարցրեք փաստաբաններին՝ ինչի՞ չեն թողնում, որ սկսվի դատաքննությունը: Վերջին հաշվով, այս անընդհատ տեղապտույտը խափանման միջոցը փոխելու շուրջ, ամեն ինչն արվում է, որպեսզի դատաքննությունը մի օր էլ հետաձգեն, երկու օր, մեկ շաբաթ: Ի՞նչ են սպասում․․․ միայն ենթադրել կարելի է»:    Անդրանիկ Քոչարյանն անհրաժեշտություն է համարում, որ Մարտի 1-ի գործով բուն դատաքննությունը սկսվի, որպեսզի հանրությանը պարզ լինի, թե ինչ է իրենից ներկայացնում այդ գործը․ - «Առավոտից իրիկուն ասում են, որ էնտեղ գործ չկա, ջուր ա․․ Բա որ ջուր ա, թողեք տեսնենք էդ ջուրը ուր ա հոսում: Ջրի հոսքը կանգնեցրել եք, շեղել եք, սառեցրել եք և հիմա մեղադրում եք առավոտից իրիկուն: Բա 70 հատորի մեջ ի՞նչ ա, դատա՞րկ թղթեր են»։ Մարտի 1-ի գործով սահմանադրական կարգի տապալման համար մեղադրվող Ռոբերտ Քոչարյանի պաշտպաններից Հովհաննես Խուդոյանը համաձայն չէ այն տեսակետի հետ, թե իրենք ամեն ինչ անում են՝ հետաձգելու դատաքննությունը: Ավելին՝ Խուդոյանը վստահեցնում է, որ այդ գործողությունները դատաքննության մի մասն են. որոնք պետք է սպառեն, հետո միայն անցնեն ապացույցների հետազոտմանը․ - «Եթե դա որոշակի առումով կարող է դժգոհություն առաջացնել, թե ինչու ապացույցները չեն հետազոտվում, պետք է այդ դժգոհ անձնանց ուշադրությունը հրավիրենք, որ հակառակ կերպ պրոցեսը չի կարող սկսվել»։ Քոչարյանի պաշտպանները միայն այս ընթացքում արդեն երկու անգամ ինքնաբացարկի միջնորդություն են ներկայացրել դատավոր Աննա Դանիբեկյանին: Երկրորդ միջնորդությունը մերժվեց նոյեմբերի 12-ին։ Նույն օրը պաշտպանները մեկ այլ ինքնաբացարկի միջնորդություն էլ ներկայացրին Քոչարյանի և մյուսների մեղադրական եզրակացությունը հաստատած դատախազ Պետրոս Պետրոսյանին: Հովաննես Խուդոյանը «Ազատության» «Կիրակնօրյա վերլուծական Թամրազյանի հետ» հաղորդաշարի ընթացքում պնդեց, իրենք այդ միջնորդությունները ներկայացնում են այլ նպատակով․ - «Միակ խնդիրը իրավական, որ մենք հիմա փորձում ենք լուծել, մեր վստահորդի ապօրինի ազատազրկումը վերացնելն է և դրան ուղղված գործողությունները, որոնց համատեքստում նաև դատավարության մասնակիցների գործով մասնակցության հարցի քննարկումը, այսինքն՝ եթե մենք տեսնում ենք խնդիր, որ դատավորը չի կարող մասնակցել, կամ դատախազը չի [կարող] մասնակցել, պետք է բարձրաձայնենք»:   Դատարանը վաղը կշարունակի քննել դատախազ Պետրոս Պետրոսյանին ներկայացված ինքնաբացարկի միջնորդությունը։ 

Related news

Latest News
Hashtags:   

Անդրանիկ

 | 

Քոչարյան․

 | 

Երկրորդ

 | 

նախագահի

 | 

պաշտպաններն

 | 

փորձում

 | 

հետաձգել

 | 

դատաքննությունը

 | 
Most Popular (6 hours)

Most Popular (24 hours)

Most Popular (a week)

Sources