Monday 9 December 2019
Home      All news      Contact us      English
tert.am - 21 days ago

Լոնդոնի դատարանը որոշել է կալանքի տակ թողնել Ասանժին

Լոնդոնի դատարանը որոշել է Wikileaks սկանդալային կայքի հիմնադիր Ջուլիան Ասանժին թողնել կալանքի տակ, իսկ նրա՝ ԱՄՆ-ին արտահանձնելու մասին հաջորդ տեխնիկական լսումները տեղի կունենան դեկտեմբերի 13-ին և 19-ին: Այս մասին տեղեկացնում է РИА Новости-ն: Ասանժի՝ ԱՄՆ արտահանձնման մասին հերթական տեխնիկական լսումները տեղի են ունեցել Լոնդոնի Վեսթմինսթերյան դատարանում: Ասանժը լսումներին մասնակցել է բանտախցից՝ տեսակապի միջոցով, որտեղ գտնվում է գրավի դիմաց ազատ արձակման պայմանները խախտելու համար: Նա կրել է երկնագույն ջեմփեր և բաց գույնի անդրավարտիք: Ասանժը սափրված չի եղել և լսումների ընթացքում ակնոց է կրել: Դատարանը խնդրել է հաստատել Ասանժի անունն ու ծննդյան տարեթիվը և հիշեցրել է, որ այսօրվա լսումները պարտադիր ընթացակարգ են արտահանձնման մասին գործերում, որի համաձայն մեղադրյալը պետք է կանգնի դատարանի առաջ ոչ պակաս, քան 28 օրը մեկ անգամ: Պարոն Ասանժ, դուք այսօր կանգնել եք դատարանի առաջ պարտադիր ընթացակարգի շրջանակում: Եթե կողմերը որևէ լրացուցիչ հայտարարություններ չունեն, ապա մենք կհետևենք արդեն հաստատված գրաֆիկին: Հաջորդ տեխնիկական լսումները կանցկացվեն դեկտեմբերի 19-ին, գործի քննության ընթացքի մասին լսում-խորհրդատվությունները կանցնեն դեկտեմբերի 13-ին ,-ասել է դատավորը: Դատավորը նշել է նաև, որ տեխնիկական լսումներին Ասանժը կմասնակցի տեսակապի միջոցով: Նա չի կարողանա վկայություններ տալ, նրան կուղղվի միայն մեկ հարց՝ կարո՞ղ է արդյոք նա հաստատել իր անունն ու ծննդյան թվականը: Ասանժի փաստաբան Գարետ Փիրսը նշել է, որ իր պաշտպանյալն իրեն վատ է զգում, չունի համակարգչից օգտվելու հնարավորություն և խնդրել է թեթևացնել նրա կալանքի պայմանները: Դատավորը նշել է, որ ինքը չունի նման լիազորություն և մերժել է խնդրանքը: Այսօրվա լսումները տևել են 4 րոպե: Հիշեցնենք, որ 2010-ին Շվեդիայում Ասանժին մեղադրել են բռնաբարության և սեռական ոտնձգությունների համար: Գտնվելով Լոնդոնում՝ նա ինքնակամ հանձնվել է ոստիկանությանը, կալանավորվել է, այնուհետև ազատ արձակվել գրավի դիմաց: 2011-ին որոշում է կայացվել նրան Շվեդիա արտահանձնելու մասին, որը վերջինս բողոքարկել է: 2012-ին նա ապաստան է ստացել Լոնդոնում Էկվադորի դեսպանատանը, որտեղ 7 տարի է անցկացրել: 2018-ին ԱՄՆ արդարադատության նախարարությունը մեղադրանք է ներկայացրել նրա դեմ, սակայն այն գաղտնի է պահվում : ԱՄՆ արտահանձնման դեպքում նրան երկարատև ազատազրկում է սպառնում՝ լրտեսության համար: Ասանժն, իր հերթին, բազմիցս հայտարարել է, որ ԱՄՆ-ում իրեն կարող են սպանել:

Related news

Latest News
Hashtags:   

Լոնդոնի

 | 

դատարանը

 | 

որոշել

 | 

կալանքի

 | 

թողնել

 | 

Ասանժին

 | 
Most Popular (6 hours)

Most Popular (24 hours)

Most Popular (a week)

Sources