Wednesday 11 December 2019
Home      All news      Contact us      English
tert.am - 23 days ago

Բրիտանացին ամբողջ ամռան ընթացքում դուստրերի համար հայտնի մուլտֆիլմի տնակն է կառուցել՝ ծախսելով 5 հազար ֆունտ ստերլինգ (լուսանկարներ)

Բրիտանացի Ռիչարդ Թորնթոնը շատ է ցանկացել դուստրերի համար Disney-ի մուլտֆիլմերում առկա տների ոճին համապատասխան տնակ գնել, սակայն խանութներում նման ոճի տուն չգտնելով՝ որոշել է ինքը նմանատիպ տուն կառուցել․ պլանն իրականացնելու համար բրիտանացուն մի ամբողջ ամառ և շուրջ 5 հազար ֆունտ ստերլինգ է պահանջվել, գրում է Daily Mail-ը։ Ինչպես պատմել է պատմության հերոսը, երկար ժամանակ խանութներում դուստրերի ցանկալի տնակն է փնտրել, սակայն արդյունքն այդպես էլ չի գոհացրել։ Քանի որ դուստրերը՝ 6-ամյա Ֆիբին և 4-ամյա Ալբան, նախկինի պես երազել են խաղալիք-տուն ունենալու մասին, որոշել է իր ձեռքերով իրականություն դարձնել այն։ Ես ինքս նախագծեցի տնակը։ Ես գիտեի՝ ինչ եմ ուզում կառուցել։ Այն իմ գլխում էր, և ես գիշերները և հանգստյան օրերը նվիրեցի տնակի կառուցմանը ,- ասել է Թորնթոնը։ Տնակի արտաքին տեսքի դիզայնի հիմքում ընկած է 1937 թվականի՝ Սպիտակաձյունիկը և 7 թզուկները մուլտֆիլմի թզուկների տունը։ Տնակը հյուրասենյակ ունի, խոհանոց, իսկ երկրորդ հարկը նախատեսված է խաղերի համար․ այստեղ մեծ թվով ծածկոցներ և բարձեր կան։ Տնակի ներքին դիզայնը նույնպես արված է Disney-ի մուլտֆիլմերի ոճով․ այստեղ և՛ 7 թզուկների անուններով աստիճաններ կան, և՛ Մերի Փոփինս -ից մեջբերումներ, և՛ Մալեֆիսենթ , Գեղեցկուհին և հրեշը և ընկերության այլ մուլտֆիլմերի պատկերներով պատուհաններ։ Բրիտանացու կինը՝ Ջուլիան, խոսելով ամուսնու անդադար աշխատանքի մասին՝ ասել է, որ ջանքերը զուր չեն անցել, քանի որ դուստրերը դրանից երջանկացել են։ Թորնթոնն ասել է, որ պատրաստ է գումար գանձել հարևանի երեխաներից, որոնց շատ է դուր եկել տնակը և շարունակաբար այցելում են իրենց։



Related news

Latest News
Hashtags:   

Բրիտանացին

 | 

ամբողջ

 | 

ամռան

 | 

ընթացքում

 | 

դուստրերի

 | 

համար

 | 

հայտնի

 | 

մուլտֆիլմի

 | 

տնակն

 | 

կառուցել՝

 | 

ծախսելով

 | 

հազար

 | 

ֆունտ

 | 

ստերլինգ

 | 

լուսանկարներ

 | 
Most Popular (6 hours)

Most Popular (24 hours)

Most Popular (a week)

Sources