Tuesday 10 December 2019
Home      All news      Contact us      English
tert.am - 23 days ago

Իրանում բողոքի ակցիաները «ներգրավել» են 93 քաղաք, կա 27 զոհ. լրատվամիջոցներ (տեսանյութ)

Իրանում բենզինի գնի բարձրացման դեմ բողոքի ակցիաների ընթացքում մահացել է 27 մարդ: Այս մասին հայտնում է Al-Hadath հեռուստաընկերությունը: Նշվում է, որ բողոքի ակցիաներ են տեղի ունեցել Իրանի 93 քաղաքում: Ցուցարարներն այրել են Քերեջ քաղաքի բանկերը: Խոշոր անկարգություններ են տեղի ունենում նաև Թեհրանում և Ղոմում: Իրանի կառավարությունը որոշում է կայացրել բարձրացնել բենզինի գինը 50 տոկոսով, ինչը հանգեցրել է զանգվածային բողոքի ակցիաների, որոնք սկսվել են նոյեմբերի 15-ին: Իշխանություններն ակցիաները ցրելու համար դիմում են ծայրահեղ քայլերի: Երկրի մեծ մասում անջատված է համացանցը: Սպիտակ տան մամուլի քարտուղար Ստեֆանի Գրիշեմն ավելի վաղ հայտարարել էր, որ ԱՄՆ-ն աջակցում է խաղաղ բողոքի ցույցեր անցկացնող իրանցի ժողովրդին և դատապարտում է ցուցարարների նկատմամբ ուժի կիրառումը: Իրանի արտաքին գործերի նախարարության ներկայացուցիչ Աբբաս Մուսավին նշել է, որ ԱՄՆ-ի հայտարարությունը համարում է երկրի ներքին գործերին միջամտելու փորձ: Մինչ այդ էլ ԱՄՆ պետքարտուղարության ներկայացուցիչ Մորգան Օրտագուսը հայտարարել է, որ Վաշինգտոնը դատապարտում է երկրում ցույցերի պատճառով Թեհրանի կողմից համացանցի անջատումը և աջակցություն է հայտնել Իրանի բազմաչարչար ժողովրդին :

Related news

Latest News
Hashtags:   

Իրանում

 | 

բողոքի

 | 

ակցիաները

 | 

ներգրավել

 | 

քաղաք

 | 

լրատվամիջոցներ

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources