Sunday 15 December 2019
Home      All news      Contact us      English
tert.am - 30 days ago

Զանգեզուրի պղնձամոլիբդենային կոմբինատին պատկանող Արծվանիկի պոչամբարն օգտագործման վերջին փուլում է, նախատեսվում է պոչամբարի բարձրությունն ավելացնել ևս 40 մետրով (տեսանյութ)

Դեռ խորհրդային տարիներին շահագործման հանձնված՝ Զանգեզուրի պղնձամոլիբդենային կոմբինատին պատկանող Արծվանիկի պոչամբարն օգտագործման վերջին փուլում է: Նախատեսվում է պոչամբարի բարձրությունն ավելացնել ևս 40 մետրով: Tert.am-ի հետ զրույցում ԶՊՄԿ գլխավոր տնօրեն Մհեր Պոլոսկովն ասաց, որ գործընթացը նախատեսվում է կատարել մոտավորապես տասը տարում, սակայն որոշել ու համաձայնության են եկել Կապան համայնքի հետ, որ շահագործումն ավարտեն ժամանակից շուտ՝ հինգ տարում։ Մենք չենք նախատեսում ապագայում ունենալ մեր հանքից հեռու, նույնիսկ՝ մեր հանքից դուրս պոչամբար ,-նշեց Պոլոսկովը: Զանգեզուրի պղնձամոլիբդենային կոմբինատի կայուն զարգացման գծով տնօրեն Սամվել Ալեքսանյանն իր հերթին նշեց, որ տարածքն արդեն ծածկված է հողաշերտով, կանաչապատվում է: Այս գործընթացը շարունակական բնույթ է կրում: Խախտված հողային տարածքները բերվում են իրենց բնական վիճակին։ Արվում է հատուկ մշակում և ապա՝ կանաչապատում: Վերջին 3 տարվա մեջ մենք ռեկուլտիվացրել ենք մոտ 35 հեկտար հողատարածք։ Շրջակա միջավայրի դրամագլխին վճարում ենք գումար, որպեսզի պետությունը ռեկուլտիվացնի տարածքներն այն պարագայում, եթե մենք դա չանենք ,-ասաց Ալեքսանյանը և հավելեց, որ իրենք այդ գործընթացն իրականացնում են:

Առաջիկայում նախատեսվում է կոմբինատի արտադրողականությունը հասցնել 22 միլիոն տոննայի, այս պահին կոմբինատը 1,8 միլիարդ տոննա պաշար ունի: Մհեր Պոլոսկովի խոսքով՝ հանքավայրում այսօր էլ շարունակվում են երկրաբանական աշխատանքները: Տարեկան մոտ 20 տոննա հանքաքար ենք արդյունահանում և վերամշակում, մոտ այդքան էլ՝ դատարկ ապար։ Պայթեցնում ենք բլոկ առ բլոկ և սելեկտիվ արդյունահանում ենք։ Բլոկի այն հատվածը, որն իրենից ներկայացնում է դատարկ ապար, տեղափոխվում է դատարկ ապարի լցակույտ: Մինչ այս դատարկ ապարները և հանքաքարը հանքավայրի տարածքում տեղափոխվում էին մեքենաներով, որն ի թիվս այլ խնդիրների, առաջացնում էր նաև էկոլոգիական խնդիր: Սակայն մեր այցելության պահին գործարանի տնօրինությունը գործարկեց նոր՝ ռելսային համակարգը, որը կոմբինատի զարգացման դեպարտամենտի ղեկավար Լևոն Պողոսյանի խոսքով՝ էներգոարդյունավետ է, նվազեցնում է էկոլոգիական խնդիրը, կարող է աշխատել՝ անկախ եղանակային պայմաններից: Հայաստանի հարկատուների ցանկը գլխավորող կոմբինատի աշխատակիցների թիվը գերազանցում է 4800-ը: Այստեղ աշխատանքը կանգ չի առնում. օրը 24 ժամ կոմբինատն աշխատում է՝ հերթափոխով: Ընկերության ղեկավարությունը վստահեցնում է՝ իրենք պատասխանատու հանքարդյունաբերող են: Ինչ վերաբերում է վերջերս տեղի ունեցած վթարին՝ Սամվել Ալեքսանյանն ասաց, որ վթարը թաքցնելու փորձ չի արվել: Մենք ամենայն պատասխանատվությամբ ենք վերաբերվում կատարվածին և չենք փորձում արդարանալ: Արտահոսքը եղել է մեր գործունեության պատճառով և մենք պատրաստ ենք կրել այդ պատասխանատվությունը: Ունենք որոշակի շղթա, որով տեղեկատվությունը փոխանցվում է: Եվ քանի որ դա եղել է առավոտյան ժամը 5-ին, ամեն մեկն իր ղեկավարին տեղեկացնելով, մինչև ինֆորմացիան հասել է այն օղակին, որը որ պետք է տեղեկացներ տեսչական մարմնին և ԱԻՆ-ին, անցել է բավականին ժամանակ: Ես ինքս 7:55 ստացել եմ ահազանգ տեսչական մարմնի մարզային գրասենյակից, ինձ հարցրել են՝ արդյո՞ք գետն աղտոտված է ,-մանրամասնել է Ալեքսանյանը:

Նա նշեց, որ վթարի հետևանքով շրջակա միջավայրին հասցված վնասի և աղտոտման ծավալների մասին դեռևս որևէ տեղեկություն չեն կարող հրապարակել, քանի որ Ընդերքի և բնապահպանության տեսչական մարմինը հաշվարկներ է կատարում:

Related news

Latest News
Hashtags:   

Զանգեզուրի

 | 

պղնձամոլիբդենային

 | 

կոմբինատին

 | 

պատկանող

 | 

Արծվանիկի

 | 

պոչամբարն

 | 

օգտագործման

 | 

վերջին

 | 

փուլում

 | 

նախատեսվում

 | 

պոչամբարի

 | 

բարձրությունն

 | 

ավելացնել

 | 

մետրով

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources