Friday 13 December 2019
Home      All news      Contact us      English
tert.am - 28 days ago

ՀՀ–ում այսօր ամենաշատ պահանջ ունեցող և շատ սպառվող «ապրանքը» ատելությունն է. իշխանությունը հիմնվում է միայն այդ ատելության վրա. Կոնստանտին Տեր-Նակալյան

Եթե փորձենք գիտական սահմանում տալ 2018 թվականին գարնանը տեղի ունեցած իրադարձություններին, ապա կստացվի, որ դա առաջին հերթին հեղափոխություն չէր: Այս մասին Վերնատուն հասարակական-քաղաքական ակումբի այսօրվա համաժողովին ասաց Ադեկվատ կուսակցության վարչության անդամ Կոնստանտին Տեր-Նակալյանը: Չեմ կիսում նույնիսկ ներկա գտնվող բանախոսներից ոմանց այն տեսակետը, որ ժողովուրդը ապրիլ-մայիսին դրական փոփոխություններ էր ուզում, արդարության համար էր դուրս եկել: Ժողովուրդը փողոց էր դուրս եկել և միայն ատելություն էր ուզում: Հայաստանում ամենաշատ պահանջ ունեցող և շատ սպառվող ապրանքը ատելությունն է ,- ասաց նա։

Կոնստանտին Տեր-Նակալյանի խոսքով՝ ժողովուրդն իրականում կոռուպցիայի, անարդարության հետ խնդիր չի ունեցել: Այն ժողովուրդը, որն անելանելի ապրումներ էր ունենում թալանից, պետական միջոցների անարդյունավետ տնօրինումից, այսքան ներդաշնակորեն չէր ընդունի օրինակ՝ 2 մլն դոլարով կառավարական առանձնատան վերանորոգումը: Եթե մարդը դեմ է անարդյունավետ թալանին, ապա դեմ է լինելու միշտ: Բայց ստացվում է, որ ոմանց պարագայում դա վատ է, ոմանց պարագայում՝ լավ ,- ասաց նա:

Կոնստանտին Տեր-Նակալյանի խոսքով՝ 2018 թվականի գարնանը պետական հեղաշրջում է տեղի ունեցել, որի շարժիչ ուժը և գլխավոր մոտիվացիան, ըստ նրա՝ եղել է ատելությունը և ներկայիս իշխանությունը միայն հիմնվում է այդ ատելության վրա:

Նա ներկայացրեց, որ այս դեպքում մեծ է տեղեկատվական տեխնոլոգիաների հեղափոխությունը: Այս ամենի հետևում Հայաստանի գործող իշխանություններն են և նրանց սպասարկող տնտեսական միավորները: Հայաստանում ներկայումս գործում է առնվազն 3 խոշորագույն ֆեյքերի ֆաբրիկա ,- ասաց նա: Կոնստանտին Տեր-Նակալյանը նաև նշեց, որ նման գործողություններն արվում են գործող իշխանությունների դիրքորոշումները չունեցողին այնպիսի միջավայր տանելու համար, որպեսզի նա առնվազն խուսափի հետագայում իր խոսքն ասելուց: Ըստ նրա՝ իշխանությունը նման կերպ վախի մթնոլորտ է ստեղծում, որպեսզի դրանով ազդի նաև մյուսների հետագա գործողությունների վրա։

Փորձն ու պատմությունը ցույց տվեցին, որ շատ սխալ ենք արել. երկիրը մեզնից խլեցին՝ հայհոյանքի խրամատը գրավելով ,- ասաց նա և հիշեցրեց, թե ինչպիսի կեղծ հայտարարություններ էին կիրառվում 2018 թվականի ապրիլին, օրինակ՝ ասվում էր, որ թունավոր գազ են բաց թողնելու, Արցախից դիպուկահարներ են եկել և այլն: Ըստ նրա՝ նման կեղծ տեղեկություններով ավելի շատ մարդ էին կարողանում փողոց դուրս բերել։

Կոնստանտին Տեր Նակալյանը նաև հիշեցրեց, որ ՀՀԿ ական պատգամավորների հեռախոսահամարներն էին տարածվել համացանցում, այդպիսի հարձակումները շարունակական բնույթ կրեցին և շարունակվում են մինչև հիմա: Նրա գնահատմամբ՝ հասարակության միակ շերտը, որը դրական պաշտպանության տեսքով արձագանք է ստացել իշխանության կողմից, ԼԳԲՏ համայնքն է:

Բոլոր մնացած շերտերի նկատմամբ նրբանկատության ու հոգատարության նշաններ այս իշխանության կողմից մենք չենք տեսել: Հատկապես սկսած այն պահից, որ այդ միավորը համարձակվել է որևէ կերպով չհամաձայնել Նիկոլ Փաշինյանի կապրիզներին ,- նշեց նա:

Related news

Latest News
Hashtags:   

ՀՀ–ում

 | 

այսօր

 | 

ամենաշատ

 | 

պահանջ

 | 

ունեցող

 | 

սպառվող

 | 

ապրանքը

 | 

ատելությունն

 | 

իշխանությունը

 | 

հիմնվում

 | 

միայն

 | 

ատելության

 | 

Կոնստանտին

 | 

Նակալյան

 | 
Most Popular (6 hours)

Most Popular (24 hours)

Most Popular (a week)

Sources