Tuesday 10 December 2019
Home      All news      Contact us      English
tert.am - 25 days ago

Հարցազրույց վերցրեք մյուսներից. Ռոնալդուն իր մարզավիճակի վերաբերյալ հարցին կտրուկ պատասխան է տվել

Պորտուգալիայի ֆուտբոլի ազգային հավաքականի և Թուրինի Յուվենթուս -ի հարձակվող Կրիշտիանու Ռոնալդուն կոպիտ է պատասխանել իր մարզավիճակի վերաբերյալ հարցին: Այս մասին գրում է Football Italia-ն: Պորտուգալացին լրագրողների հետ զրույցի ժամանակ շեշտել է, որ իր հետ ամեն բան նորմալ է և ցանկանում է վերջ դնել այդ թեմային: Ես լավ մարզավիճակում եմ: Հավասարակշռությունը, միանշանակ, դրական է: Իսկ հիմա գնացեք և հարցազրույց վերցրեք մյուսներից : Թուրինյան թիմի վերջին երկու խաղերի ժամանակ Ռոնալդուն փոխարինվել է: Նոյեմբերի 10-ին Յուվենթուս -ը նվազագույն հաշվով հաղթել էր Միլան -ին Պաուլո Դիբալայի գոլի շնորհիվ, որը 54-րդ րոպեին խաղադաշտ էր մտել Ռոնալդուի փոխարեն: Պորտուգալացին անտեսել էր Մաուրիսիո Սարիին և լքել պահեստայինների նստարանը մինչ խաղի ավարտը: Նոյեմբերի 7-ին նմանատիպ իրավիճակ էր ստեղծվել նաև Չեմպիոնների լիգայի խաղարկության խմբային փուլի Լոկոմոտիվ -ի հետ խաղում: Ռոնալդուն փոխարինվել էր խաղավարտին խաղադաշտը լքելով բարկացած: Ավելի ուշ Սարին պորտուգալացու նման պահվածքը բացատրել էր ծնկի վնասվածքով: Իտալիայի ընթացիկ մրցաշրջանում Կրիշտիանուն 10 խաղում դարձել է 5 գոլի հեղինակ: Չեմպիոնների լիգայի 4 խաղերում նա մեկ անգամ է գոլով աչքի ընկել: Հիշեցնենք, որ Եվրո-2020-ի որակավորման փուլի 9-րդ տուրում Պորտուգալիայի հավաքականը նոյեմբերի 14-ին սեփական հարկի տակ 6-0 հաշվով հաղթել է Լիտվայի հավաքականին: Ռոնալդուն այդ խաղում դարձել է հեթ-տրիկի հեղինակ:

Related news

Latest News
Hashtags:   

Հարցազրույց

 | 

վերցրեք

 | 

մյուսներից

 | 

Ռոնալդուն

 | 

մարզավիճակի

 | 

վերաբերյալ

 | 

հարցին

 | 

կտրուկ

 | 

պատասխան

 | 
Most Popular (6 hours)

Most Popular (24 hours)

Most Popular (a week)

Sources