Saturday 7 December 2019
Home      All news      Contact us      English
tert.am - 23 days ago

Փորձում ենք համակարգային լուծում տալ, որ նման երևույթներ այլևս չլինեն. Արմեն Գրիգորյանը՝ օտարերկրացիների կողմից երեխաների ապօրինի որդեգրման դեպքերի մասին

ԱԱԾ հայտարարությանը հավելյալ բան չեմ կարող ավելացնել, բայց նմանատիպ խնդիրները թե ԱԱԾ-ի և թե այլ մարմինների օրակարգում են: Այս մասին կառավարության նիստից հետո լրագրողների հետ զրույցում ասաց Անվտանգության խորհրդի քարտուղար Արմեն Գրիգորյանը՝ անդրադառնալով ԱԱԾ-ի բացահայտմանը։ Փորձում ենք հասկանալ, թե խնդրին որտեղից է և ինչպես կարող ենք համակարգային լուծում տալ, որ նման երևույթներ այլևս չլինեն: Սրանք լուրջ սպառնալիք են մարդկանց ու երեխաների անվտանգության համար ,- ասաց նա և նշեց, որ պետք է սպասել մինչև ԱԱԾ-ն հետագայում մանրամասն կխոսի: Գրիգորյանը հավելեց, որ օրգանների վաճառքի մասին խոսք չա, եթե հավելյալ բան լինի, այդ մասին կխոսվի: Գրիգորյանն անդրադարձավ օրերս արված իր հրապարակմանը, որտեղ համեմատական տանելով Գերմանիայի 37 թվի հետ, նշել էր, որ Հայաստանում չպետք է լինեն ուժեր, որոնք, օգտվելով ժողովրդավարական համակարգից, կգան իշխանության: Նա նշել էր նաև, որ վճռական են լինելու այդ ուժերի դեմ: Գրիգորյանը պարզաբանեց, որ իր հոդվածի նպատակը այդ թեմայի շուրջ քննարկումներ ծավալելն է եղել: Սա նոր իրավիճակ է և պետք է ավելի շատ խոսենք ժողովրդավարության զարգացման, կայացման և պահպանության մասին: Ես ոչ թե խնդիր եմ տեսնում, որ այդ ուժերը իշխանության կգան, ես տեսնում եմ, որ իրենք չարաշահելով ժողովրդավարության, ազատ մամուլի ընձեռած հնարավորությունը հասարակության մեջ պառակտում են մտցնում և խնդիրներ են ստեղծում: Դրա համար էլ մենք քննարկում ենք ծավալում՝ հասկանալու համար, թե ինչպես կարող ենք խնդիրներին լուծում տալ ,-ասաց նա: Իսկ թե որոնք են այդ ուժերը, Գրիգորյանը խուսափեց անուններ հնչեցնելուց, բայց նշեց, որ դրանք հիմնականում արտախորհրդարանական են: Այսպես ասեմ՝ այդ ուժերը հիմնականում ֆեյք հաշիվների և ոչ հրապարակային հանդես գալու միջոցով են գործում: Կեղծ լուրերը, որոնք տարածվում են, հիմնականում տարածվում են կեղծ հաշիվների միջոցով: Դժվար է իմանալ, թե այդ հաշիվների հետևում ովքեր են կանգնած, որովհետև տվյալների մասով սահմանափակումներ կան, հաճախ ֆեյսբուքը տվյալներ չի հաղորդում, այդ մասով էլ կասկածներ են առաջանում ,- ասաց նա: Իսկ թե ինչ վճռական քայլերով են պայքարելու դրա դեմ, նա ասաց, որ տարբեր ձևերով, բայց կոնկրետ քայլ չկա, որ ասեն այս քայլը կատարելով՝ բոլոր խնդիրները լուծվելու են:

Related news

Latest News
Hashtags:   

Փորձում

 | 

համակարգային

 | 

լուծում

 | 

երևույթներ

 | 

այլևս

 | 

չլինեն

 | 

Արմեն

 | 

Գրիգորյանը՝

 | 

օտարերկրացիների

 | 

կողմից

 | 

երեխաների

 | 

ապօրինի

 | 

որդեգրման

 | 

դեպքերի

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources