Tuesday 10 December 2019
Home      All news      Contact us      English
tert.am - 26 days ago

Ամուսնություն, իսլամ, ընտանիք․ ինչպես է ապրում «Ֆաբրիկա» խմբի նախկին անդամ Մարիա Ալալիկինան (լուսանկարներ)

Մարիա Ալալկինան Աստղերի ֆաբրիկա ( Фабрика звезд ) նախագծի ամենավառ կերպարներից էր։ Նա հանդես եկավ Ֆաբրիկա խմբի սկզբնական կազմում և փայլեց Սիրո մասին ( Про любовь ) երգի տեսահալովակում, որից հետո, սակայն, պարզապես անհետացավ։ Երգչուհու քույրը պատմել է Ալալիկինայի հետագա կյանքի մասին, գրում է woman.ru-ն։ Աստղերի Ֆաբրիկայի առաջին եթերաշրջանի բազմահազար երկրպագուներին տպավորել էր կարճ սանրվածքով, հմայիչ ժպիտով շիկահեր աղջիկը՝ Մարիա Ալալիկինան, որը դարձավ Ֆաբրիկա խմբի անդամներից մեկը և հանդես եկավ Սիրո մասին երգի տեսահոլովակում՝ ձեռք բերելով համաժողովրդական սերը։ Նախագծի ավարտից հետո, սակայն, Մարիան անսպասելիորեն անհայտացավ տեսադաշտից, և երաժշտական քառյակը վերածվեց եռյակի։ Շուտով հայտնի դարձավ, որ Ալալիկինան ամուսնացել է, փոխել է կրոնը, մայրացել և որոշել իրեն նվիրել ընտանիքին։ Նախկին ֆաբրիկացու երջանկությունը, սակայն, երկար չի տևել։ Մարգարիտան՝ Մարիայի քույրը, СтарХит պարբերականին պատմել է քրոջ կյանքում վերջին տարիներին տեղի ունեցած փոփոխությունների մասին։ Այո՛, Մարիան, իրոք, իսլամ է ընդունել․ դա տեղի ունեցավ նրա առաջին ամուսնության ժամանակ։ Առաջին ամուսնուց բաժանվելուց հետո Մարիան սկսեց ուսումնասիրել իր համար դեռևս նոր կրոնը։ Նրան ոչ ոք չի ստիպել մուսուլման դառնալ․ դա գիտակցված ընտրություն է եղել ,- ասել է Մարգարիտան։ Ամուսնալուծությունից հետո Մարիան հանդիպել է իր նոր սիրուն, որի հետ հարաբերությունները շարունակվում են արդեն 10 տարի։ Ալալիկինայի քրոջ խոսքով՝ Մարիան այժմ երջանիկ է իր ընտրյալի հետ։ Նա շատ լավ, սիրող և հոգատար ամուսին ունի։ Նրանք մի քանի տարի ապրեցին Մոսկվայում, սակայն այստեղ որոշակի խնդիրներ առաջացան, և այդ պատճառով որոշեցին տեղափոխվել այլ շրջան։ Ինչ-որ մեկը գրել է, որ Մաշային ստիպողաբար տարել են հեռավոր մի գյուղ, սակայն դա ճիշտ չէ։ Նրանց Ռուսաստանի ամենախոշոր քաղաքներից մեկը տեղափոխվելու որոշումը երկկողմանի է եղել ,- ասել է Մարգարիտան։ Մարիա Ալալիկինան այժմ նախընտրում է չփայլել սոցիալական ցանցերում, զբաղվում է երեխաների դաստիարակությամբ և մտադիր չէ վերադառնալ շոու բիզնեսի աշխարհ։

Related news

Latest News
Hashtags:   

Ամուսնություն

 | 

իսլամ

 | 

ընտանիք․

 | 

ինչպես

 | 

ապրում

 | 

Ֆաբրիկա

 | 

նախկին

 | 

անդամ

 | 

Մարիա

 | 

Ալալիկինան

 | 

լուսանկարներ

 | 
Most Popular (6 hours)

Most Popular (24 hours)

Most Popular (a week)

Sources