Friday 6 December 2019
Home      All news      Contact us      English
tert.am - 22 days ago

Ես 22 օր քաղաքական իշխանությունների պատանդն եմ եղել. նրանք մինչև քրգործերի շարք սկսելը, հայտարարել են քաղաքական նպատակը ՍԴ-ում կատարել փոփոխություններ ՍԴ նախագահից սկսած. Ա. Բաբայան

Ինձ առնչող բոլոր գործողությունները մի բանի համար են հասնել Սահմանադրական դատարանի նախագահ Հրայր Թովմասյանի հրաժարականին, կամ որևէ եղանակով նրան պաշտոնից ազատելուն: Այս մասին լրագրողների հետ հանդիպմանը հայտարարեց ԱԺ աշխատակազմի ղեկավարի նախկին տեղակալ Արսեն Բաբայանը: Ի սկզբանե, շատ լավ գիտենք իմ հանդեպ հարուցված քրեական գործի բուն իմաստը. այն քաղաքական էր: Քաղաքական իշխանությունը, մինչև քրեական գործերի շարք սկսելը, հայտարարել է քաղաքական նպատակը կատարել ՍԴ-ում փոփոխություններ ՍԴ նախագահից սկսած: Հետևաբար, բոլոր այն գործողությունները, որոնք իրենց մեջ կպարունակեն իրավական որոշակի հիմնավորումներ, այնուամենայնիվ, ելնում են քաղաքական նպատակից ,-ասաց Բաբայանը նշելով, թե դրա իրականացման համար իշխանությունները ոչնչի առաջ չեն կանգնում: Մտածել են Արսեն Բաբայանը թող գնա, 22 օր ապօրինի ազատազրկվի, մինչև կտա իրենց ցանկալի ցուցմունք, որովհետև, երևի, ենթադրում են խելքը գլուխը կհավաքի , բայց տեսնում են, խելքը գլուխը հավաքած էր: Ես համարում եմ նաև, որ 22 օր քաղաքական իշխանությունների պատանդն եմ եղել ,-ասաց Բաբայանը: Նա անդրադարձավ իր հետապնդման իրավաչափ լինելուն, նշելով, թե շատերը պնդել են, թե քանի որ ինքը քաղաքական գործիչ չէ, հետևաբար, իր նկատմամբ չէր կարող իրականացվել քաղաքական հետապնդում: Քաղաքական հետապնդման ենթարկվելու համար որևէ դեպքում պարտադիր չէ լինել քաղաքական գործիչ: Կարևոր է, թե իրականացվող կոնկրետ գործողությունները որքանով են քաղաքական և որքանով իրավական ,-ասաց Բաբայանը: Նա ընդգծեց, որ, ընդհանրապես, քրեական գործի հարուցումը չէր կարող գոյություն ունենալ, դրան հաջորդող ձերբակալությունն էլ խայտառակ ապօրինություն էր: Հիշեցնենք, որ հոկտեմբերի 21-ին պաշտոնեական կեղծիք կատարելու կասկածանքով ձերբակալվել էր Ազգային ժողովի աշխատակազմի ղեկավարի նախկին տեղակալ Արսեն Բաբայանը։ Ըստ ՀՔԾ-ի՝ քրեական օրենսգրքի 300-րդ հոդվածի 1-ին՝ իշխանությունը զավթելու մասով հարուցված քրեական գործի նախաքննության ընթացքում փաստական տվյալներ են ձեռք բերվել այն մասին, որ պաշտոնատար անձինք Սահմանադրական դատարանի նախկին նախագահ Գագիկ Հարությունյանի կողմից լիազորությունները վայր դնելու գործընթացում, խմբային շահերից ելնելով, անձամբ, ինչպես նաև պաշտոնատար անձ չհանդիսացող աշխատակիցների միջոցով կատարել են պաշտոնեական կեղծիքներ։ Նկատի ունենալով, որ բացահայտվել է առերևույթ կատարված նոր հանցագործության դեպք, Հատուկ քննչական ծառայությունում Քրեական օրենսգրքի 314-րդ հոդվածի 1-ին՝ պաշտոնական կեղծիք կատարելու մասով հարուցվել է նոր քրեական գործ, որը միացվել է իշխանությունը յուրացնելու դեպքի առթիվ հարուցված քրեական գործին: Այս գործը հարուցվել էր պատգամավոր Արման Բաբաջանյանի հաղորդման հիման վրա: Հիշեցնենք նաև, որ ՀՀ գլխավոր դատախազի խորհրդական Գոռ Աբրահամյանը հայտնել էր, որ Հայաստանի Հելսինկյան կոմիտե հասարակական կազմակերպության նախագահ Ավետիք Իշխանյանի և ՀՀ ԱԺ պատգամավոր Սիսակ Գաբրիելյանի կողմից ներկայացվել է մեղադրյալ Արսեն Բաբայանի որպես խափանման միջոց անձնական երաշխավորությունը կիրառելու վերաբերյալ դիմումներ՝ որպես երաշխիքի գումար, 500.000-ական ՀՀ դրամ փոխանցելու վերաբերյալ անդորրագրերի պատճենների հետ միասին՝ 2019 թվականի նոյեմբերի 12-ին որոշում է կայացվել մեղադրյալ Արսեն Բաբայանի նկատմամբ կիրառված խափանման միջոց կալանավորումը փոփոխելու և նրա նկատմամբ որպես խափանման միջոց անձնական երաշխավորությունը կիրառելու վերաբերյալ:

Related news

Latest News
Hashtags:   

քաղաքական

 | 

իշխանությունների

 | 

պատանդն

 | 

նրանք

 | 

մինչև

 | 

քրգործերի

 | 

սկսելը

 | 

հայտարարել

 | 

քաղաքական

 | 

նպատակը

 | 

ում կատարել

 | 

փոփոխություններ

 | 

նախագահից

 | 

սկսած

 | 

Բաբայան

 | 
Most Popular (6 hours)

Most Popular (24 hours)

Most Popular (a week)

Sources