Sunday 8 December 2019
Home      All news      Contact us      English
tert.am - 24 days ago

Ի վերջո պետք է կանխիկի շրջանառությունը նվազեցնելու և այնուհետև վերացնելու ռազմավարական խնդիր դնենք. վարչապետ

Այսօր կառավարությունը փոփոխություններ կատարեց Հսկիչ-դրամարկղային մեքենաների ներդրման գրասենյակ պետական ոչ առևտրային կազմակերպություն ստեղծելու մասին որոշման նախագծում: Նախագիծը ներկայացրեց Պետական եկամուտների կոմիտեի նախագահ Դավիթ Անանյանը: Նա նշեց, որ թեև հսկիչ դրամարկղային մեքենաների առաջին խմբաքանակը նոյեմբերի վերջ դեկտեմբերի սկիզբ պատրաստ է ներկրման, սակայն տեխնիկական խնդիր կա. այդ ՀԴՄ-ները պետք է պարտադիր ունենան pos տերմինալներ: Բանկերի հետ աշխատելու համար երկար ժամանակ է պահանջվում, և մենք առաջարկում ենք, որ եթե մյուս տեխնիկական պահանջները բավարարված են, ապա pos տերմինալի ֆունկցիան կես տարվա ընթացքում իրականացվի, սրանով հնարավորություն կտանք, որ ներկրվեն ՀԴՄ-ները ,-ասաց Դավիթ Անանյանը: Վարչապետը նկատեց, որ երկար տարիներ քննարկվում էր ՀԴՄ-ների ներմուծման շուկան ազատականացվելու հարցը, և երբ ազատականացրին, առաջացավ ՀԴՄ-ների դեֆիցիտ: Վարչապետը հետաքրքրվեց, թե ինչն է ՀԴՄ-ների պահանջարկի ավելացման պատճառը, իսկ Դավիթ Անանյանը պատասխանեց, որ դա պայմանավորված է մի շարք հանգամանքներով: Առաջին հերթին դա իրավական ակտի ուժով է պայմանավորված, երկրորդը՝ նոր տնտեսավարողների գրանցվելու և հաշվառվելու, և երրորդը՝ ստվերից դուրս բերելու արդյունքում է մեծացել պահանջարկը ,-ասաց նա և ավելացրեց, որ գործող ընկերություններն իրենց շրջանառության ոլորտները ընդլայնելու արդյունքում նոր ՀԴՄ-ներ ձեռք բերելու անհրաժեշտություն են ունեցել: Վարչապետն ամփոփեց. ի վերջո պետք է կանխիկի շրջանառությունը նվազեցնելու, այնուհետև վերացնելու ռազմավարական խնդիր դրվի, ինչը կարևոր է նաև կոռուպցիայի դեմ պայքարում: Նա նկատեց, որ բանկային քարտերն էլ իրենց արդիականությունը կորցնում են, և տարածվում է բջջային հեռախոսների հետ բանկային հաշիվը կապելու միտումը:

Related news

Latest News
Hashtags:   

վերջո

 | 

կանխիկի

 | 

շրջանառությունը

 | 

նվազեցնելու

 | 

այնուհետև

 | 

վերացնելու

 | 

ռազմավարական

 | 

խնդիր

 | 

դնենք

 | 

վարչապետ

 | 
Most Popular (6 hours)

Most Popular (24 hours)

Most Popular (a week)

Sources