Sunday 8 December 2019
Home      All news      Contact us      English
tert.am - 24 days ago

Բոլիվիայի ժամանակավոր նախագահը նախարարների նոր կաբինետ է նշանակել

Բոլիվիայի ժամանակավոր նախագահ Ժանին Անյեսը նշանակել է 11 նախարար, որոնք կկազմեն երկրի անցումային կառավարության հիմքը, որը կոչված է անցկացնելու նոր համընդհանուր ընտրություններ: Սա տեխնիկական կառավարություն է, քանի որ հիմնական առաքելությունը պետական ծառայությունների աշխատանքի անհապաղ վերականգնումն է ,- հայտարարել է Անյեսը նշանակման մասին հրամանագրի ստորագրումից հետո, քաղաքական գործչի խոսքը մեջբերում է Deber հրատարակությունը: Նախագահի աշխատակազմի ղեկավարի առանցքային պաշտոնը զբաղեցրել է Խերես Խուստինիանո Աթալան՝ ընդդիմադիր Լուիս Ֆերնանդո Կամաչոյի համախոհը: Կառավարության աշխատակազմը կգլխավորի Ազգային միասնությունից աջակողմյան սենատոր Արթուրո Մուրիլիոն: Ավելի վաղ Անյեսը հայտարարել էր, որ երկու հիմնական նպատակ ունի՝ չեղյալ հայտարարել դատական որոշումը, որը Էվո Մորալեսին թույլ է տվել առաջադրվել նախագահի պաշտոնում, և ամենակարճ ժամկետում համընդհանուր ընտրությունների անցկացումը: Էվո Մորալեսը Մեքսիկայում կայացած մամուլի ասուլիսի ժամանակ խուսափել է ընտրությունների մասին հարցին ուղիղ պատասխանելուց և չի բացառել դրան իր մասնակցությունը: Նախկին նախագահն ու փոխնախագահն ապաստան են ստացել Մեքսիկայում և երկրից տարհանվել են մեքսիկական ռազմաօդային ուժերի ինքնաթիռով: Հիշեցնենք, որ Բոլիվիայում զանգվածային բողոքի ցույցերի ֆոնին նախագահ Էվո Մորալեսի հրաժարականից հետո հրաժարական են ներկայացրել նաև մի քանի բարձրաստիճան պաշտոնյաներ, այդ թվում փոխնախագահ Ալվարո Գարսիա Լիներան, սենատի խոսնակ Ադրիանա Սալվատերրան և պատգամավորների պալատի խոսնակ Վիկտոր Բորդան, երկրի արտգործնախարար Դիեգո Պերին:

Related news

Latest News
Hashtags:   

Բոլիվիայի

 | 

ժամանակավոր

 | 

նախագահը

 | 

նախարարների

 | 

կաբինետ

 | 

նշանակել

 | 
Most Popular (6 hours)

Most Popular (24 hours)

Most Popular (a week)

Sources