Sunday 8 December 2019
Home      All news      Contact us      English
tert.am - 24 days ago

Ամերիկացի սենատորն Էրդողանի հետ հանդիպումից հետո արգելափակել է Սենատի կողմից Հայոց ցեղասպանության մասին բանաձևի ընդունումը. The Hill

Ամերիկացի հանրապետական սենատոր Լինդսի Գրեհեմը հայտնել է, որ արգելափակել է ավելի քան մեկ դար առաջ Օսմանյան կայսրությունում Հայոց ցեղասպանության ճանաչման մասին բանաձևի ընդունումը Սենատի կողմից, գրում է The Hill պարբերականը: Գրեհեմն օգտվել է կանոնից, ըստ որի՝ մի սենատոր կարող է արգելափակել բանաձևի ընդունումն ամբողջ պալատի կողմից: Քիչ առաջ հանդիպեցի Թուրքիայի նախագահ Էրդողանի և ԱՄՆ նախագահ Թրամփի հետ և խոսեցի այն խնդիրների մասին, որոնց մենք բախվում ենք Սիրիայում Թուրքիայի ռազմական ներխուժման պատճառով: Ես լիահույս եմ, որ Թուրքիան և Հայաստանը կարող են միասին լուծել այդ խնդիրը ,- հայտարարել է Գրեհեմը հեռուստատեսությամբ հեռարձակվող Սենատի նիստի ժամանակ: Սենատորը հավելել է, որ սենատորները չպետք է գույներ հաղորդեն կամ վերաշարադրեն պատմությունը : Նիստի ժամանակ բանաձևն առաջարկել է ընդունել Սենատի միջազգային հարաբերությունների կոմիտեի դեմոկրատ անդամ Ռոբերտ Մենենդեսը: ԱՄՆ-ի արտաքին քաղաքականությունը պետք է ազնվորեն արտացոլի մարդու իրավունքների և մարդկության դեմ հանցագործությունների խախտումները, ինչպես նաև էթնիկ զտումներն ու ցեղասպանությունը ,- հայտարարել է Մենենդեսը: Թուրքիայի նախագահ Ռեջեփ Թայիփ Էրդողանը չորեքշաբթի Վաշինգտոն կատարած այցի ժամանակ հայտարարել էր, որ Հայոց ցեղասպանության ճանաչումը ստվեր է գցում թուրք-ամերիկյան հարաբերությունների վրա: Հիշեցնենք, որ ԱՄՆ Կոնգրեսի Ներկայացուցիչների պալատը հոկտեմբերի 29-ին կայացած քվեարկության արդյունքում ձայների մեծամասնությամբ ընդունել էր Հայոց ցեղասպանությունը ճանաչող բանաձևը։ Քվեարկությանը մասնակցած կոնգրեսականներից կողմ էր քվեարկել 405-ը, դեմ՝ 10-ը, ձեռնպահ՝ 3-ը, իսկ 14 կոնգրեսական չէր քվեարկել։

Related news

Latest News
Hashtags:   

Ամերիկացի

 | 

սենատորն

 | 

Էրդողանի

 | 

հանդիպումից

 | 

արգելափակել

 | 

Սենատի

 | 

կողմից

 | 

Հայոց

 | 

ցեղասպանության

 | 

մասին

 | 

բանաձևի

 | 

ընդունումը

 | 
Most Popular (6 hours)

Most Popular (24 hours)

Most Popular (a week)

Sources