Friday 13 December 2019
Home      All news      Contact us      English
tert.am - 1 month ago

Հայաստանից արտագաղթը միայն հորդորներով չի դադարի. Կառավարության կողմից ներգաղթը խթանող կամ արտագաղթը կանխարգելող հստակ ռազմավարություն չկա. տնտեսագետ

Միայն սահմանահատումներով ներգաղթի մասին խոսելն ուղղակի հնարավոր չէ: Այս մասին Tert.am-ի հետ զրույցում ասաց ՀՅԴ Բյուրոյի տնտեսական հետազոտությունների գրասենյակի ծրագրերի համակարգող, տնտեսագետ Թադևոս Ավետիսյանը անդրադառնալով Հայաստանի Միգրացիոն ծառայության ս.թ. նոյեմբերին հրապարակած տվյալներին, համաձայն որոնց 2019թ.-ի հունվար-սեպտեմբերին Հայաստանից արտագաղթը նվազել է: Ըստ հրապարակված ցուցանիշների նշված ժամանակահատվածում սահմանահատումների մուտքերի և ելքերի տարբերությունը կազմել է -9857, հավելաճը 2016թ.-ի համեմատ կազմել է 88.6 %: Սահմանահատումները միայն Հայաստանի բնակչությունը չի կատարում, օտարերկրյա քաղաքացիներ ևս Հայաստան են գալիս: Կարելի է մտածել, որ ինչ-որ դրական միտում, այնուամենայնիվ, ունենք, բայց միայն մեկ ցուցանիշը բավարար չէ այդ եզրահանգման համար: Այս կամ այն վիճակագրության դրվագային ներկայացումները շատ քիչ են ,-նշեց Ավետիսյանը: Վերջինիս խոսքով առաջին հայացքից դրականորեն արձանագրվել է, որ 2019-ի 2-րդ եռամսյակում շուրջ 46.400-ով նվազել է գործազուրկների թիվը՝ նախորդ եռամսյակի համեմատ: Այս առումով հատկանշական է նաև, որ շուրջ 51.500-ով նվազել են աշխատանքային ռեսուրսները: Այս ցուցանիշը կազմում է աշխատուժից դուրս բնակչության, զբաղվածների և գործազուրկների թվերի հանրագումարը: Հետևաբար, եթե աշխատուժից դուրս բնակչության թվի նվազմանը համարժեք ավելացել է զբաղվածների թիվը, ապա ստացվում է՝ գործազուրկների թվի կրճատումն արձանագրվել է աշխատանքային ռեսուրսների (15-75 տարեկան առկա բնակչություն) նվազման հետևանքով ,-պարզաբանեց Ավետիսյանը: Ըստ տնտեսագետի պարզ չէ, թե Կառավարության կողմից ինչ իրական ծրագրեր են իրականացվում, որոնք միտված կլինեն ներգաղթի խթանմանը կամ արտագաղթի կանխարգելմանը, հստակ ռազմավարություն չկա: Նոր ծրագրեր կամ, առնվազն, չեն իրականացվում, իսկ եթե անգամ մշակվում են, արդյունքը չկա: Օրինակ հիմնական ծրագրերից մեկը զբաղվածության ծրագիրը 2018թ.-ին թերակատարվել է 75%- ով, այսինքն կատարողականն ընդամենը 25% է եղել, 2019թ.-ի առաջին տասն ամսվա տվյալներով էլ թերակատարվել է շուրջ 55%-ով ,-ասաց նա: Ավետիսյանի կարծիքով երկրում տիրող միջավայրը ևս նպաստող չէ ներգաղթի համար: Նոր աշխատատեղերի ստեղծման, միջին աշխատավարձերի բարձրացման խոստումները չեն կատարվում, իսկ եղած աշխատատեղերում էլ աշխատանքի են անցում օտարերկրյա քաղաքացիները: Փաստ է, որ ունենք օտարերկրյա աշխատակիցների մեծ ներհոսք, որը ներքին շուկայի անհրաժեշտ պաշտպանության բացակայության պարագայում խնդրահարույց է, ներհոսքը խթան է մեր բնակիչների աշխատանքային միգրացիայի ,-ասաց տնտեսագետն ընդգծելով, թե դժվար է պատկերացնել, որ արտագաղթը միայն հորդորներով կդանդաղի կամ կդադարի:

Related news

Latest News
Hashtags:   

Հայաստանից

 | 

արտագաղթը

 | 

միայն

 | 

հորդորներով

 | 

դադարի

 | 

Կառավարության

 | 

կողմից

 | 

ներգաղթը

 | 

խթանող

 | 

արտագաղթը

 | 

կանխարգելող

 | 

հստակ

 | 

ռազմավարություն

 | 

տնտեսագետ

 | 
Most Popular (6 hours)

Most Popular (24 hours)

Most Popular (a week)

Sources