Monday 16 December 2019
Home      All news      Contact us      English
tert.am - 1 month ago

Վարչապետի դատարաններն արգելափակելու ակցիայի նպատակը դատավորներին ճնշված պահելն էր, դատախազն իր անգործությամբ ևս նպաստել այդ ճնշմանը. Հ. Ալումյանը միացավ դատախազ Պետրոսյանի բացարկի միջնորդությանը

ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանը միացավ գործընկերոջ Հովհաննես Խուդոյանի դատախազ Պետրոս Պետրոսյանի բացարկի միջնորդությանը: Փաստաբանը նշեց, որ եղած հիմքերին ևս մեկ հիմք է ավելացնում: Գործի նյութերից հայտնի է, որ ս/թ մայիսի 18-ին Երևան քաղաքի առաջին ատյանի ընդհանուր իրավասության դատարանը նախագահությամբ դատավոր Դավիթ Գրիգորյանի, որոշում կայացրեց պարոն Քոչարյանին ազատ արձակելու մասին: Այդ որոշումից 2 օր անց ՀՀ վարչապետի կոչով ՀՀ առանց բացառության բոլոր դատարաններն արգելափակվեցին: Ընդ որում, այդ գործողություններին մասնակցեցին նաև մի շարք ամենաբարձրաստիճան պաշտոնատար անձինք, ԱԺ պատգամավորներ: ՀՀ առանց բացառության բոլոր դատարանների աշխատանքը խաթարվեց մինչև նույն օրվա ժամը 14:00-ը ,-ասաց Ալումյանը նշելով, որ սա ոչ այլ բան է, քան քրեական օրենսգրքով նախատեսված հանցագործություն, և քրեական դատավարության օրենսգրքի 175 հոդվածի համաձայն քրեական գործ հարուցելու սույն օրենսգրքով նախատեսված հիմքերի և առիթների առկայության դեպքում դատախազը, նաև քննիչ հետաքննության մարմինը իրենց իրավասության շրջանակներում պարտավոր են քրեական գործ հարուցել: Տվյալ դեպքում, այդ փաստի առթիվ քրեական գործ հարուցելու պարտականությունը և իրավասությունը կրում էր այդ թվում նաև դատախազ Պետրոսյանը, որովհետև նախ նա դատավարական հսկողություն էր իրականացնում սույն քրեական գործի նկատմամբ, իսկ գործի նյութերից պարզորոշ երևում էր, որ արգելափակվել են դատարանները հենց այս քրեական գործի վրա ազդելու նպատակով այս քրեական գործի ընթացքը փոխելու, այս քրեկան գործով պարոն Քոչրայանին ապագայում կալանավորելու, դատարաններին սարսափի մեջ պահելու նպատակով ,-նշեց Ալումյանը: Նա ավելացրեց, որ միջորդության ներկայացումը պայմանավորված չէ Պետրոս Պետրոսյանի անձով, վերջինիս վարչության ցանկացած դատախազ, որ կգտնվի այստեղ, իրեն նույն հիմքով նրան բացարկ կհայտնի: Թող չթվա, թե ես կենտրոնացած եմ հատկապես պարոն Պետրոսյանի անձի վրա ,-ասաց փաստաբանը: Փաստաբանն ընդգծեց նաև դատախազ Պետրոսյանի անգործության հետևանքով է, որ հնարավոր դարձավ գործի ընթացքը շեղել օրինական ճանապարհից: Դատախազ Պետրոսյանն ու իրենց վարչության դատախազներն անգործությամբ նպաստեցին, որ հետագայում դատարաններն այս գործով իրենց զգան ճնշված վիճակում, որպեսզի դատարանները հետագայում որևէ անգամ համարձակություն չունենան պարոն Քոչարյանի խափանման միջոցը փոխելու և նրան ազատ արձակելու ,-ասաց Ալումյանը: Հիշեցնենք Ռոբերտ Քոչարյանը մեղադրվում է 2008-ի մարտի 1-ի իրադարձությունների ժամանակ սահմանադրական կարգը տապալելու համար։ Նա նաև մեղադրվում է պաշտոնատար անձ չհանդիսացող հանրային ծառայողի կողմից ապօրինի վարձատրություն ստանալու համար:

Related news

Latest News
Hashtags:   

Վարչապետի

 | 

դատարաններն

 | 

արգելափակելու

 | 

ակցիայի

 | 

նպատակը

 | 

դատավորներին

 | 

ճնշված

 | 

պահելն

 | 

դատախազն

 | 

անգործությամբ

 | 

նպաստել

 | 

ճնշմանը

 | 

Ալումյանը

 | 

միացավ

 | 

դատախազ

 | 

Պետրոսյանի

 | 

բացարկի

 | 

միջնորդությանը

 | 
Most Popular (6 hours)

Most Popular (24 hours)

Most Popular (a week)

Sources