Monday 9 December 2019
Home      All news      Contact us      English
azatutyun - 27 days ago

Արսեն Բաբայանն ազատ է արձակվել

Իշխանության յուրացմանն օժանդակելու և պաշտոնեական կեղծիք կատարելու մեջ մեղադրվող Ազգային ժողովի աշխատակազմի ղեկավարի նախկին տեղակալ Արսեն Բաբայանը, ավելի քան 20 օր ճաղերի հետևում լինելուց հետո, այսօր ազատ է արձակվել։ «Վարդաշեն» քրեակատարողական հիմնարկից դուրս գալով՝ Բաբայանը այսօր չխոսեց իր դեմ հարուցված քրեական գործի մասին։ Բաբայանին ազատ արձակելու որոշում կայացրել է դատախազությունը՝ հիմք ընդունելով «Իմ քայլը» խմբակցության պատգամավոր Սիսակ Գաբրիելյանի և իրավապաշտպան Ավետիք Իշխանյանի երաշխավորությունները։ Գլխավոր դատախազի խորհրդական Գոռ Աբրահամյանը այսօր ավելի վաղ ֆեյսբուքյան գրառմամբ հայտնել էր, որ վարույթն իրականացնող մարմնին դատախազը հանձնարարել էր սեղմ ժամկետում կատարել Բաբայանին առնչվող քննչական և այլ դատավարական գործողությունները։ Ապա Աբրահամյանը նշել էր, որ նախաքննության այս փուլում արդեն կատարվել են Բաբայանի մասնակցությամբ քննչական գործողությունների հիմնական մասը, հետևաբար նվազել է նրա կողմից գործի քննությանը խոչընդոտելու վտանգը՝ ազատության մեջ գտնվելու դեպքում։ Ավետիք Իշխանյանը և Սիսակ Գաբրիելյանը նաև որպես երաշխիք՝ գումար են ներկայացրել 500 հազարական դրամ։ Գաբրիելյանն ասում է, որ Բաբայանին ազատ արձակելու վերաբերյալ երաշխավորագիրը տալու որոշումը միայնակ չի կայացրել, խորհրդակցել է իր խմբակցության հետ․ - «Չեմ ասի տևական ժամանակ, բայց ունեցել ենք քննարկումներ այս հարցի վերաբերյալ: Ես ներկայացրել եմ իմ դիրքորոշումները, խմբակցության տարբեր անդամներ ներկայացրել են իրենց դիրքորոշումը,  և եկել ենք եզրակացության, որ նախաքննության այս փուլում կարելի է խափանման միջոցը փոխարինել անձնական երաշխավորությամբ: Եվ ես այսօր առավոտյան տվել եմ անձնական երաշխավորություն Գլխավոր դատախազին: Այնտեղ տեղեկացա, որ նաև Ավետիք Իշխանյանն է նման երաշխավորություն ներկայացնելու: Կարծես թե ինձնից հետո ինքն է այցելել և տվել իր երաշխավորությունը: Քիչ առաջ էլ տեղեկացա, որ ազատ է արձակվել: Ուրախ եմ այդ փաստի առնչությամբ»: Բաբայանին առնչվող քրեական գործը հարուցվել էր պատգամավոր Արման Բաբաջանյանի հաղորդման հիման վրա: Պատգամավորը պնդում է, որ Սահմանադրական դատարանի նախագահ Հրայր Թովմասյանը յուրացրել է պաշտոնը՝ հանցավոր սխեմաներ կիրառելով, որի ճանապարհը հարթել է նաև Արսեն Բաբայանը՝ թույլ տալով պաշտոնեական կեղծիքներ։

Related news

Latest News
Hashtags:   

Արսեն

 | 

Բաբայանն

 | 

արձակվել

 | 
Most Popular (6 hours)

Most Popular (24 hours)

Most Popular (a week)

Sources