Friday 15 November 2019
Home      All news      Contact us      English
tert.am - 6 days ago

Փաշինյանի և իր թիմի մոտ Ռ. Քոչարյանի հանդեպ վրեժխնդրության զգացում է ձևավորվել. Ռ. Քոչարյանի աջակիցները Կապանում ստորագրահավաք են կազմակերպել

ՀՀ երկրորդ նախագահ Ռոբերտ Քոչարյանի աջակիցները Հաղթանակ խորագիրը կրող շարժումով այսօր Սյունիքի մարզի Կապան քաղաքում ստորագրահավաք են կազմակերպել ի աջակցություն Ռոբերտ Քոչարյանի: Ստորագրահավաքի մասնակիցներից մեկը լրագրողների հետ զրույցում նշել է, որ այժմ շատերը կան, որ վախեցած ու քաշված վիճակում են և ստորագրահավաքին մասնակցել չեն ցանկանում: Կոչ եմ անում իմ զինակից ընկերներին՝ հասկանալ, գիտակցել ու տեսնել, թե ինչ է կատարվում երկրում: Չի կարելի այդքան արհամարհել այն, ինչ կատարվում է մեր պետության ներսում: Հարկավոր է, որ մարդիկ հասկանան, ոտքի կանգնեն, տեր լինեն իրենց երկրին, իրենց ճակատագրերին, իրենց արժեհամակարգին: Պարտավոր են ոտքի կանգնել ,- ասել է նա: Ակցիայի մասնակցի խոսքով՝ Միացի՛ր կարգախոսով շարժումը նպատակ ունի պետությանն ու ազգին փրկել ներկայիս իրավիճակից: Քոչարյանի հանդեպ քաղաքական հետապնդում է: Եթե ճշմարտորեն նայենք՝ Ռոբերտ Քոչարյանը քաղբանտարկյալ է: Եվ սա վրեժխնդրության զգացում է, որը ձևավորվել է Նիկոլ Փաշինյանի և իր թիմի մոտ - ամփոփեց նա: Ստորագրահավաքին մասնակցում են հատկապես ավագ սերնդի ներկայացուցիչներ՝մեկնաբանելով՝ Ռոբերտ Քոչարյանին կալանավորելն ապoրինի է: Հիշեցնենք, որ Հաղթանակ շարժումը ստորագրահավաքի գործընթացն սկսել է հոկտեմբերի 26-ին՝ Հաղթանակի զբոսայգուց։ Շարժման շրջանակներում ՀՀ երկրորդ նախագահի աջակիցները այցելում են մարզերով՝ քաղաքացիներին իրազեկելու այն գործընթացի մասին, որը տեղի է ունենում այժմ: Նրանք կոչ են անում քաղաքացիներին՝ միանալ շարժմանը: Շարժման նախաձեռնողներն արդեն այցելել են Կոտայքի մարզի Չարենցավան և Աբովյան, Գեղարքունիքի մարզի Գավառ և Սևան քաղաքներ:

Related news

Latest News
Hashtags:   

Փաշինյանի

 | 

Քոչարյանի

 | 

հանդեպ

 | 

վրեժխնդրության

 | 

զգացում

 | 

ձևավորվել

 | 

Քոչարյանի

 | 

աջակիցները

 | 

Կապանում

 | 

ստորագրահավաք

 | 

կազմակերպել

 | 
Most Popular (6 hours)

Most Popular (24 hours)

Most Popular (a week)

Sources