Wednesday 20 November 2019
Home      All news      Contact us      English
tert.am - 11 days ago

«Գերմանիայի արևելքի և արևմուտքի միջև կենսապայմանների տարբերությունը դեռևս կես դար տեսանելի կլինի». Մերկել

Գերմանիայի արևելքում և արևմուտքում կենսապայմանների հավասարեցումը կարող է կես դար և նույնիսկ փոքր-ինչ ավելի տևել: Այս մասին Գերմանիայի կանցլեր Անգելա Մերկելն ասել է Բեռլինի պատի փլուզման 30-ամյակի նախօրեին Suddeutsche Zeitung պարբերականին տված հարցազրույցում: Կանցլերի խոսքով՝ նշված գործընթացն ակնկալածից ավելի դանդաղ է ընթանում: Կանցլերը նշել է, որ Բեռլինի պատի փլուզման թեման գերմանական հասարակությունում սկսել է ավելի ակտիվորեն քննարկվել աշխարհում առկա ազգայնական և պրոտեկցիոնիստական միտումների ֆոնին: Մերկելը խնդրել է համբերությամբ լցվել և սպասել արևելքում և արևմուտքում առկա տարբերությունների վերացմանը, ինչպես նաև սովորել կրել ազատության բեռը : Կանցլերը պարզաբանել է, որ դժվարություն ասելիս նկատի ունի որոշումների կայացումը: Պատի շինարարությունը սկսվել է 1961թ.-ին։ Գերմանիայի Ժողովրդավարական Հանրապետության ղեկավարությունը ԽՍՀՄ-ի դրդմամբ 1961 թվականին կառուցեց Բեռլինի պատը և ուժեղացրեց Գերմանիայի Դաշնային Հանրապետության հետ սահմանների վերահսկողությունը։ Այս ամենը նպատակ ուներ դադարեցնել փախստականների հոսքը դեպի Արևմտյան Գերմանիա։ Բեռլինի երկու հատվածների միջև ընդհատվեցին բոլոր տեսակի կապի միջոցները։ 1989 թվականի նոյեմբերի 9-ին Բեռլինի պատը փլուզվեց՝ դառնալով Արևելյան Եվրոպայում սոցիալիզմի անկման խորհրդանիշը։ 1990 թվականին գերմանական երկու պետությունները վերամիավորվեցին։ Աշխարհի քաղաքական քարտեզի վրա Գերմանիան կրկին միասնական էր։

Related news

Latest News
Hashtags:   

Գերմանիայի

 | 

արևելքի

 | 

արևմուտքի

 | 

կենսապայմանների

 | 

տարբերությունը

 | 

դեռևս

 | 

տեսանելի

 | 

կլինի

 | 

Մերկել

 | 
Most Popular (6 hours)

Most Popular (24 hours)

Most Popular (a week)

Sources