Sunday 17 November 2019
Home      All news      Contact us      English
azatutyun - 9 days ago

Մակրոն. «ՆԱՏՕ-ն վախճանվում է»

Ֆրանսիայի նախագահ Էմանյուել Մակրոնն ասել է, որ ՆԱՏՕ-ն «վախճանվում է ԱՄՆ նախագահ Դոնալդ Թրամփի վարած անկանխատեսելի քաղաքականության արդյունքում»: Մակրոնը կասկածի տակ է առել ստեղծված պայմաններում ՆԱՏՕ-ի Կանոնադրության 5-րդ հոդվածի կիրառելիությունը: Ըստ 5-րդ հոդվածի, հարձակումը ՆԱՏՕ-ի անդամ որևէ երկրի վրա հավասարազոր է ամբողջ ՆԱՏՕ-ի վրա հարձակման և ենթադրում է դաշինքի բոլոր անդամների միասնական հստակ արձագանքը: 5-րդ հոդվածը համարվում է 1949 թվականին ստեղծված ՆԱՏՕ-ի գոյության անկյունաքարը: «Այն ինչ հիմա է կատարվում, կարելի է անվանել ՆԱՏՕ-ի ուղեղի մահը»,- երեկ Economist հանդեսին ասել է Մակրոնը: Նրա փոխանցմամբ, այնպիսի տպավորություն է ստեղծվել, որ «Վաշինգթոնը երեսը թեքել է Եվրոպայից»: Գերմանիայի կանցլեր Անգելա Մերկելն այսօր արձագանքել է Ֆրանսիայի նախագահի մեկլնաբանությանն, ասելով, որ «Մակրոնը չափազացնում է»: «Ֆրանսիայի նախագահն իր մեկնաբանության համար բավական կտրուկ արտահայտություններ է ընտրել, ես այդպես չեմ մեկնաբանի ՆԱՏՕ-ում համագործակցության աստիճանը»,- ասել է Մերկելը: Մինչդեռ, Ռուսաստանի արտգործնախարարության խոսնակ Մարիա Զախարովան «ոսկի խոսքեր» է անվանել Մակրոնի մեկնաբանությունը և ասել է, թե դրանք շատ ճիշտ են բնութագրում ՆԱՏՕ-ի ներկայիս վիճակը:

Related news

Latest News
Hashtags:   

Մակրոն

 | 

վախճանվում

 | 
Most Popular (6 hours)

Most Popular (24 hours)

Most Popular (a week)

Sources