Friday 15 November 2019
Home      All news      Contact us      English
tert.am - 7 days ago

2014-2019 թթ., Բյուրականի ղեկավարի թույլտվությամբ, տարբեր կազմակերպություններ օգտագործել են 24 000 խմ-ից ավելի ջուր, որի դիմաց համայնքի բյուջե չի փոխանցվել 3 մլն 600 000 դրամից ավելի գումար

Ոստիկանության ԿՀԴՊ գլխավոր վարչության կոռուպցիայի և տնտեսական գործունեության դեմ ուղղված հանցագործությունների հակազդման վարչությունում ստացված տեղեկությունների հիման վրա նախապատրաստված նյութերով՝ փաստական տվյալներ են ձեռք բերվել, որ Բյուրական համայնքի ավագանու 2014 թվականի հունվարին կայացրած որոշման համաձայն՝ համայնքի օրվա կարգավորիչ ջրամբարից իրավաբանական և ջրավազաններ ունեցող ֆիզիկական անձանց խմելու ջրի սպասարկման ծառայություն իրականացնելու համար սահմանվել է մեկ խմ ջրի դիմաց 150 դրամ տեղական վճար։ Այս մասին հայտնում են Ոստիկանությունից:

Սակայն համայնքի ղեկավարը, անձնական այլ շահագրգռվածությունից ելնելով, պաշտոնեական դիրքը ծառայության շահերին հակառակ է օգտագործել և Բյուրական համայնքի, ինչպես և համայնքի տարածքից դուրս գործող կազմակերպությունների հետ ջրի սպառման վերաբերյալ բանավոր պայմանավորվածություն է ձեռք բերել։

Ըստ քննությանն այս պահին հայտնի տվյալների՝ 2014-ից 2019 թվականների ընթացքում այդ կազմակերպությունները սպառել են ընդհանուր 24 հազար խորանարդ մետրից ավելի ջուր, որի դիմաց Բյուրական համայնքի բյուջե չի փոխանցվել 3 միլին 600 հազար դրամից ավելի գումար, ինչի հետևանքով համայնքին պատճառվել է էական վնաս։

Դեպքի առթիվ ոստիկանությունում քրեական գործ է հարուցվել և ուղարկվել քննչական կոմիտե՝ հետագա քննության։ Հանգամանքները պարզվում են։

Related news

Latest News
Hashtags:   

Բյուրականի

 | 

ղեկավարի

 | 

թույլտվությամբ

 | 

տարբեր

 | 

կազմակերպություններ

 | 

օգտագործել

 | 

ավելի

 | 

դիմաց

 | 

համայնքի

 | 

բյուջե

 | 

փոխանցվել

 | 

դրամից

 | 

ավելի

 | 

գումար

 | 
Most Popular (6 hours)

Most Popular (24 hours)

Most Popular (a week)

Sources