Tuesday 12 November 2019
Home      All news      Contact us      English
tert.am - 5 days ago

«ՀուԶանք ու Զանգը» ընկալելի չէ, իսկ պատերազմող երկրի համար ավելի կարևոր է կռվող, զոհված տղաների մասին ֆիլմ նկարել, քան «Մել»–ի նման ֆիլմ ֆինանսավորել. քանդակագործ

Մետրոյի Հանրապետության հրապարակ կայարանի մոտակայքում օրերս տեղի ունեցած ՀուԶանք ու Զանգ ներկայացման հավակնությունը պերֆորմանս էր, բայց յուրաքանչյուր պերֆորմանսի հիմքերը պետք է պարզ լինեն, մատուցման կուլտուրան էլ այնպիսին լինի, որ հնարավոր լինի ընկալել, իսկ ես չեմ ընկալել դա։ Այս մասին Tert.am-ի հետ զրույցում ասաց քանդակագործ Դավիթ Մինասյանը՝ խոսելով ՀուԶանք ու Զանգ ներկայացման մասին։ Արվեստի յուրաքանչյուր տեսակ, ժանր ընդունելի է, եթե այն հասկանալի է։ Ես պարզապես ոչինչ չեմ հասկացել՝ ինչ էին ասում, ինչի մասին էին խոսում կամ ինչ էին ցանկանում ցույց տալ։ Ինձ համար պարզ չէր։ Ես դեմ չեմ ժամանակակից արվեստի տեսակներին, բայց երբ հասկանում եմ, թե ինչի մասին է խոսքը կամ ինչ էին ցանկանում ասել։ Այն, ինչը ես տեսել եմ, իր որակով, ճաշակով կամ կատարողականով ինձ չի բավարարել և չեմ ցանկացել ավելի խորանալ ,- ասաց Մինասյանը՝ հավելելով, որ շատ տարիներ զբաղվել է բեմանկարչությամբ, մասնակցել բազում միջոցառումների, սակայն չի կարողանում հասկանալ, թե ինչի վրա է ծախսվել նախարարության կողմից որպես դրամաշնորհ տրամադրված 2,7 մլն դրամը։ Անդրադառնալով ԿԳՄՍ նախարար Արայիկ Հարությունյանի հայտարարությանը, որ մշակույթի ոլորտում ցենզուրա չի լինելու ՝ քանդակագործը նշեց, որ այս աշխարհում առանց ցենզուրայի ինչ-որ բան լինել չի կարող, քանի որ յուրաքանչյուր արվեստագետ նախևառաջ իր մեջ պետք է ցենզուրա ունենա՝ ինչ է անում և ինչ չի անում։ Ըստ Մինասյանի՝ առանց ցենզուրայի վտանգավոր է, սակայն խոսքը առողջ ցենզուրայի մասին է՝ մասնագետի կարծիքի, հեղինակի վերաբերմունքի։

Ի՞նչ է նշանակում առանց ցենզուրայի․ ով ինչ ուզի, պետք է անի՞։ Այդպես չի լինում, ոչ մի ժամանակ այդպես չի եղել և ապագայում էլ չի լինելու։ Ցենզուրա բառն է վախեցնում, այն կարծրատիպ է դարձել։ Եթե առողջ տեսանկյունից նայենք բառին, կհասկանանք, որ խոսքը ոչ թե հենց ցենզուրա բառի, այլ ներքին կուլտուրայի, ճաշակի, ասելիքի և ազգային մտածելակերպի մասին է ,- նկատեց Մինասյանը։ Ինչ վերաբերում է ծանրամարտիկ Մելինե Դալուզյանի մասին նկարահանվելիք Մել ֆիլմին՝ քանդակագործն ասաց հետևյալը․ Դեմ եմ նման թեմաների արծարծմանը ու պրոպագանդմանը։ Դա հանրայնացնելու թեմա չէ։ Խնդիրը ֆիլմի նկարահանման համար տրամադրվելիք գումարը չէ։ Հնարավոր է՝ մի ֆիլմի վրա 20, 40 կամ 100 մլն ծախսել։ Բնականաբար, արվեստին պետք է գումար տրամադրել։ Խնդիրը ֆիլմի թեման է ։ Քանդակագործի կարծիքով՝ նման ֆիլմերին պետք չէ պետական աջակցություն տրամադրել։ Հնարավոր է՝ մի անձնազոհ, հերոս տղայի մասին ֆիլմ նկարահանել և ծախսել ոչ թե 20 մլն, այլ 20 մլրդ։ Ոչ մի խնդիր չեմ տեսնում։ Ես այդ թեմային դեմ եմ և առհասարակ չեմ ուզում նման թեմաների մասին խոսել։ Նման թեմաների վերաբերյալ ֆիլմեր նկարելու մասին անգամ քննարկումներ չպետք է անել, քանի որ դրա մասին խոսելն իսկ արդեն պրոպագանդա է։ Այդ ջրաղացի վրա հենց հիմա մի կաթիլ ջուր է լցվում նույնիսկ այն պարագայում, երբ արվեստագետը դեմ կարծիք է հայտնում։ Իսկ ես առհասարակ դեմ եմ պրոպագանդային։ Եթե անգամ գրեք, որ Դավիթ Մինասյանը դեմ է, ինչ-որ տեղ մի երեխա, մի դպրոցական ևս մեկ անգամ նման թեմայի հիշատակում է տեսնելու և հետաքրքրվելու է, թե դա ինչ է ,- նշեց քանդակագործը, ում դիտարկմամբ, այս թեման պարզապես պետք է արհամարհել։

Ես հոմոֆոբ չեմ, ես տոլերանտ եմ, թող ապրեն իրենց համար։ Իսկ մենք, սակայն, հայտնվել ենք այս ագրեսիվ պրոպագանդայի մեջ։ Լրատվամիջոցները, սոցցանցերը արագ տարածում են տեղեկությունը, իսկ մեզ համար կարևոր է ցանկացած մարդ, ցանկացած ուղեղ։ Յուրաքանչյուր նորմալ հայ, յուրաքանչյուր մարդ, ով մեծացել է նորմալ ընտանիքում, ով ունի ընկերներ, դեմ է և՛ նման ֆիլմերին, և՛ նման երևույթներին։ Այո՛, ես հետամնաց եմ, հիմա ընդունված է այդպես ասել, չէ՞։ Այո՛, ես հետադիմական մարդ եմ։ Ես սիրում եմ ընտանիք, ես սիրում եմ հայոց լեզու, իմ հայրենիքը, խոնարհվում եմ ամեն կռվող, զոհված տղայի առաջ։ Ես կարծում եմ, որ այսօր պատերազմող երկրի համար շատ ավելի կարևոր է այդ տղաների մասին ֆիլմ նկարել, քան նման ֆիլմեր ,- եզրափակեց Դավիթ Մինասյանը։

Related news

Latest News
Hashtags:   

ՀուԶանք

 | 

Զանգը

 | 

ընկալելի

 | 

պատերազմող

 | 

երկրի

 | 

համար

 | 

ավելի

 | 

կարևոր

 | 

կռվող

 | 

զոհված

 | 

տղաների

 | 

մասին

 | 

նկարել

 | 

ֆինանսավորել

 | 

քանդակագործ

 | 
Most Popular (6 hours)

Most Popular (24 hours)

Most Popular (a week)

Sources