Tuesday 12 November 2019
Home      All news      Contact us      English
tert.am - 5 days ago

Հայկական պատմական հուշարձանները ոչնչացվել են. շատերը դա անվանում են «մշակութային ցեղասպանություն»․ Los Angeles Times-ի անդրադարձը Ջուղայի խաչքարերին

Հեղինակավոր Los Angeles Times պարբերականը ծավալուն հոդվածով անդրադարձել է Ջուղայի հայկական խաչքարների ոչնչացման խնդրին՝ ներկայացնելով դրանց երկարամյա պատմությունը։ Հոդվածի հեղինակը նշում է, որ սուրբ խաչքարերը, որոնք տեղակայված են Արաքս գետի երկայնքով, 16-րդ դարի շուրջ 10 000 հզոր տապանաքարերի հսկայական բանակ են ներկայացնում, որը հսկում է հայկական միջնադարյան գերեզմանատունը։ Տուժելով երկրաշարժերի, պատերազմի և վանդալիզմի հետևանքով՝ 20-րդ դարի կեսերից հազարավոր խաչքարեր դեռ կանգուն են մնում։ Այս մասին գրելով՝ հոդվածագիրը նկատում է, որ այսօր, այնուամենայնիվ, Ջուղայի խաչքարերը կանգնած են ոչնչացման վտանգի առաջ․ Չնայած 2000 թվականին ընդունված ՅՈւՆԵՍԿՕ-ի հրամանագրի, որը պահանջում է դրանց պաշտպանությունը, այս տարի Hyperallergic ամսագրում հրապարակված ապացույցները մատնանշում են, որ հուշարձանները գաղտնի կերպով և զանգվածաբար ավերվում են ադրբեջանական արշավի շրջանակներում՝ ուղղված հայոց մշակույթի հետքերը Նախիջևանում ջնջելուն ։ Ոչնչացման մասշտաբներն ապշեցնող են․ 89 միջնադարյան եկեղեցի, 5 840 խաչքար և 22 000 տապանաքար՝ ըստ զեկույցի։ Մշակութային ժառանգության ոչնչացումը գերազանցում է Իսլամական պետության կողմից Սիրիայում և Թալիբան շարժման կողմից Աֆղանստանում իրականացվող ավերածությունները ,- ասվում է հոդվածում։ Հեղինակը հիշեցնում է, որ Hyperallergic-ում հրապարակված ամսագրում Ադրբեջանի կողմից մշակութային կոթողների միտումնավոր ոչնչացումը 1997-2006 թվականներին նկարագրվում է որպես 21-րդ դարի ամենադաժան մշակութային ցեղասպանությունը ։

Related news

Latest News
Hashtags:   

Հայկական

 | 

պատմական

 | 

հուշարձանները

 | 

ոչնչացվել

 | 

շատերը

 | 

անվանում

 | 

մշակութային

 | 

ցեղասպանություն

 | 

Angeles

 | 

Times

 | 

անդրադարձը

 | 

Ջուղայի

 | 

խաչքարերին

 | 
Most Popular (6 hours)

Most Popular (24 hours)

Most Popular (a week)

Sources