Friday 15 November 2019
Home      All news      Contact us      English
tert.am - 8 days ago

ԶԼՄ-ների բարձրաձայնած ցանկացած կոռուպցիոն ռիսկ կամ դրա հնարավորություն հավելյալ մտահոգության տեղիք է տալիս. Արտակ Մանուկյան (տեսանյութ)

Հեղափոխությունից հետո օրենքի առջև բոլորի հավասարության սկզբունքն է ամրագրվել, և որևէ գործարարի համար՝ լինի Սամվել Ալեքսանյանը, Գագիկ Ծառուկյանը, թե այլ մեկը, վարչապետի կողքին նկարվելը դեռևս բավարար երաշխիք չէ: Արմնյուզ ՀԸ #ՕրաԽնդիր հաղորդմանը նման կարծիք է հայտնել ՀՀ ԱԺ Իմ քայլը խմբակցության անդամ Արտակ Մանուկյանը. Սպայկայի ղեկավարը ևս Փաշինյանի կողքին լուսանկարվեց, բայց նրա նկատմամբ հետո իրավական գործընթաց սկսվեց: Այսօր հարց լուծողն օրենքն է : Ըստ պատգամավորի՝ գերակա ոլորտներում ներդրումային նախագծերի մասին կառավարության որոշումներն ուսումնասիրելիս երևում է, որ գործարարների շրջանում մեծ հետաքրքրվածություն կա, օրինակ, տեքստիլ արդյունաբերության ոլորտում. Ամենակարևորը տեղական ներդրողներն են, որոնք ավելի արագ են հասկանում, որ խաղի կանոնները համատարած են բոլորի համար: Այդ մասով կա բավականաչափ դրական տրամադրվածություն: Որոշ ժամանակ անց օտարերկրյա ներդրողների համար էլ Հայաստանն ավելի հետաքրքրական կլինի: Մենք փորձում ենք երկիրն ավելի կանխատեսելի ու գրավիչ դարձնել : Արտակ Մանուկյանի կարծիքով՝ բիզնեսի համար նույնանման գործերով դատական վճիռները հաճախ անկանխատեսելի են, ինչը խնդրահարույց է. Կոռուպցիոն ռիսկի մասին պնդում անելուց առաջ պետք է լինեն ապացուցման ենթակա փաստեր: Պետական համակարգում կան փոխզսպումների մեխանիզմներ: Այսօր մենք փորձում ենք շտկել օրենսդրությունը, այդ թվում՝ դատաիրավական ոլորտում : Իմքայլական պատգամավորի պնդմամբ՝ ԶԼՄ-ների բարձրաձայնած ցանկացած կոռուպցիոն ռիսկ կամ դրա հնարավորություն հավելյալ մտահոգության տեղիք է տալիս, բայց դրա ապացուցումը կամ հերքումը պատկան մարմինների գործն է. Պետական ծառայությունը նախևառաջ պատասխանատվություն է և շատ մեծ ռիսկերի հետ է առնչվում: Այս իմաստով նախարարների աշխատավարձերի բարձրացումն արդարացված է: Աշխատանքի վարձատրությունը, որն իր մեջ ներառում է նաև պարգևատրում, որևէ մարմնում չի գերազանցել բյուջեով նախատեսված սահմանաչափերը : Արտակ Մանուկյանի կարծիքով՝ հարկատուի միջոցներից գոյացող որևէ գումարի անարդյունավետ ծախս անընդունելի է: Կառավարական ամառանոցի վերանորոգումը կոնկրետ անձի համար չէ, այն պետական սեփականություն է: Այս ծախսերը կապված են մեր երկրի ներկայացուցչականության հետ: Անկախ նրանից՝ ով է այսօր Հայաստանի վարչապետը, այդ ամառանոցը շատ ավելի ներկայանալի կլինի իր բարենորոգմամբ: Կոռուպցիոն բաղադրիչի նվազման հետևանքով կա կապիտալ ծախսերի որոշակի տնտեսում: Բայց սրանք ինստիտուցիոնալ բնույթի ծախսեր են ,- ամփոփել է Արտակ Մանուկյանը:

Դավիթ Սարգսյան

Related news

Latest News
Hashtags:   

բարձրաձայնած

 | 

ցանկացած

 | 

կոռուպցիոն

 | 

հնարավորություն

 | 

հավելյալ

 | 

մտահոգության

 | 

տեղիք

 | 

տալիս

 | 

Արտակ

 | 

Մանուկյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources