Friday 15 November 2019
Home      All news      Contact us      English
tert.am - 8 days ago

Բուհերը պետք է բազմազանեցնեն իրենց ֆինանսական աղբյուրները, քանզի շատերը վճարունակ չեն, սոցիալական լուրջ խնդիրներ ունեն. փորձագետը՝ վարձերը բարձրացնելու՝ ռեկտորի հայտարարության մասին

Բուհերի ուսման վարձավճարները և դասախոսների աշխատավարձերը պետք է միասին դիտարկել, եթե բուհի ուսանողն ուզում է բարձրորակ կրթություն ստանալ, ապա պետք է համակերպվի բարձր վարձավճար տալու մտքի հետ։ Այս մասին Tert.am-ի հետ զրույցում ասաց կրթության փորձագետ Արմեն Քթոյանը՝ խոսելով երեկ ԵՊՀ ռեկտորի ժամանակավոր պաշտոնակատար Գեղամ Գևորգյանի այն հայտարարության մասին, ըստ որի՝ մտադիր են միջինը 15%-ով բարձրացնել ուսման վարձերը, ինչի շնորհիվ կբարձրանան նաև դասախոսների աշխատավարձերը։

Ցավոք, մեզանում շատ շատերը վճարունակ չեն, և մարդիկ սոցիալական լուրջ խնդիրների են բախվում։ Մյուս կողմից էլ, եթե ցանկանում ենք կրթության բարձր որակ ունենալ, ապա, ըստ իս, անխուսափելի է դասախոսների աշխատավարձի բարձրացումը, ինչպես նաև անխուսափելի է վարձավճարների բարձրացումը։ Բայց կա նաև մյուս կողմը․երևի թե միայն մեր երկրի նման երկրներում է բուհերի ֆինանսավորման 90-95 տոկոսը ձևավորվում ուսանողների վարձավճարների հաշվին։ Եվ եթե խնդիր է դրվում բարձրացնել դասախոսի աշխատավարձը, ապա դա պետք է արվի ուսման վարձերի բարձրացման հաշվին ,- նշեց Քթոյանը։

Վերջինիս դիտարկմամբ, բուհերը պետք է ձգտեն դիվերսիֆիկացնել իրենց եկամուտները, գումար ներգրավել այլ հետազոտական, դրամաշնորհային ծրագրերի, ֆոնդերի միջոցով, որը թույլ կտա կրճատել վարձավճարի մասնաբաժինը։ Այդ դեպքում, ըստ փորձագետի, արդեն այսպիսի ցավագին որոշումների կարիք չի լինի։

Արմեն Քթոյանը նշում է, որ վարձավճարի բարձրացումը կարող է կրթության որակի բարձրացման համար նախադրյալներ ստեղծել, եթե բուհն այդ ռեսուրսը ճիշտ օգտագործի՝ մասնավորապես, բարձրացնելով աշխատավարձերը, դրսից որակյալ մասնագետներ ներգրավելով կամ ներսի մասնագետների մոտիվացիան բարձրացնելով։

Եթե ճիշտ մեխանիզմներ կիրառվեն, ապա վարձերի բարձրացումը կարող է հանգեցնել կրթության որակի բարձրացմանը։ Բայց այնպես չէ, որ մեկի կապը մյուսի հետ երաշխավորվում է։ Դա ընդամենը նախադրյալ է, իսկ թե բուհի ղեկավարությունն ինչպես կօգտագործի դա, ցույց կտա ժամանակը , ասաց նա։

Ըստ փորձագետի՝ ռիսկ կա, որ վարձավճարի բարձրացման պարագայում դիմորդների պակաս կլինի, բայց համաձայն դիմորդների՝ բուհեր դիմելու մոտիվացիայի վերաբերյալ հետազոտությունների՝ վարձավճարը առաջնային դերակատարում չունի, ավելի կարևոր է տվյալ բուհի տված կրթության որակը։

Եթե ուսման վարձի բարձրացումը կհանգեցնի որակի բարձրացման, ապա, կարծում եմ, դիմորդներն այն չափով չեն պակասի, ինչպես կարող էին պակասել։ Սա յուրաքանչյուր բուհի ղեկավարության համար ծանր խնդիր է։ Եթե ԵՊՀ-ն ուզում է մրցունակ մասնագետներ ներգրավել, ապա անխուսափելիորեն պետք է աշխատավարձեր բարձրացնի, բայց բուհը աշխատավարձերի բարձրացման ռեսուրս չունի, քանի որ հիմա աշխատավարձն իրենց ծախսերի 70-80 տոկոսն է կազմում ,- նշեց փորձագետը՝ ընդգծելով, որ սա փակ շրջան է, որը տարբեր բուհեր տարբեր կերպով են փորձում քանդել․ կոնկրետ ԵՊՀ-ն գնում է այս ճանապարհով։

Related news

Latest News
Hashtags:   

Բուհերը

 | 

բազմազանեցնեն

 | 

իրենց

 | 

ֆինանսական

 | 

աղբյուրները

 | 

քանզի

 | 

շատերը

 | 

վճարունակ

 | 

սոցիալական

 | 

լուրջ

 | 

խնդիրներ

 | 

ունեն

 | 

փորձագետը՝

 | 

վարձերը

 | 

բարձրացնելու՝

 | 

ռեկտորի

 | 

հայտարարության

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources