Friday 15 November 2019
Home      All news      Contact us      English
tert.am - 8 days ago

Բուհերում «Հայոց լեզվի» և «Հայոց պատմության» դասավանդման մասին օրինագիծը խնդրահարույց է նաև սոցիալական տեսանկյունից. փորձագետ

Օրինագիծը, որը հնարավորություն կտա ՀՀ բուհերում Հայոց լեզու և Հայոց պատմություն առարկաների ուսուցումը դարձնել ոչ պարտադիր, ի թիվս այլ հարցերի, խնդրահարույց է նաև սոցիալական տեսանկյունից, այս մասին Tert.am ի հետ զրույցում ասաց Հայացք վերլուծական կենտրոնի փորձագետ Լիլիա Ամիրխանյանը։ Նախարարն անընդհատ շեշտադրում է այն հանգամանքը, որ բուհն ունի ընտրության հնարավորություն՝ թողնե՞լ առարկաները ծրագրում, թե ոչ: Բայց բոլորս ենք հասկանում, որ այս օրինագծով բուհին հնարավորություն է տրվում սեփական բյուջեն ազատել մի բեռից՝ ի դեմս այդ առարկաները դասավանդողների աշխատավարձերի: Եթե բացառման կարգով մի կողմ թողնենք սկզբունքորեն առարկաները ծրագրում պահող բուհերին, իսկ դրանք, վստահ եմ՝ քիչ կլինեն, ապա արդյունքում կկանգնենք այդ մասնագետների գործազրկության փաստի առաջ , ասաց նա:

Լիլիա Ամիրխանյանն ուշադրությունը հրավիրեց այն հանգամանքի վրա, որ խոսքը կայացած մասնագետների մասին է, որոնք դժվարությամբ այլ ոլորտում կամ այլ տեղ աշխատանք կգտնեն: Արդյո՞ք սա նաև չի հանգեցնի այդ մասնագետների արտագաղթին ,- հարցազրույցում արեց նա։

Փորձագետն անդրադարձավ նաև դպրոցներից Հայ Եկեղեցու պատմություն առարկայի դուրսբերման գործընթացին՝ չբացառելով, որ այս երկու գործընթացները փոխկապակցված են։

Հնարավոր է՝ այս երկու գործընթացները, ես դրանց կավելացնեի նաև երրորդը՝ սեռափոխության մասին ֆիլմի և ՀուԶանք ու Զանգ ներկայացման ֆինանսավորումը, միմյանց հետ կապված են, բայց, հնարավոր է, սա իսկապես զուգադիպության հետևանք է: Դրանից, միևնույն է, արդյունքն՝ ի դեմս հանրային դժգոհությունների, չի փոխվում ,- ասաց Լիլիա Ամիրխանյանը:

Փորձագետի պնդմամբ՝ Հայոց լեզու , Հայոց պատմություն առարկաների՝ բուհերում լինելու ՕԳԳ-ն իսկապես մտածելու տեղիք է տալիս: Ըստ նրա, աշակերտն այս երկու առարկների մասով բավարար գիտելիքներ դպրոցից պետք է ստացած լինի, բուհի այդ մեկ, երկու կիսամյակն առանձնապես մեծ ազդեցություն չի թողնի:

Բայց խնդիրն այդ հարցով չի սկսվում և առավել ևս դրանով սահմանափակվում: Ինչո՞ւ ենք խնդիրների լուծումը սկսում վերջից: Արդյո՞ք դպրոցում այսօր այդ առարկաների մատուցման որակն այն մակարդակի վրա է, որ բուհերից դրանք հանելու պահն է հասունացել: Գուցե հակահայկականության մասին հանրության մեղադրանքները փոքր-ինչ սուղ են, բայց նախարարն ու իշխանությունն առհասարակ այդ մեղադրանքներին չէին արժանանա, եթե նույն խնդիրներից ելնելով, առաջիկա մի քանի տարիներին ակցենտավորեին դպրոցներում այդ առարկաների դասավանդման որակի բարձրացումը, հասնեին դրված բարձր նշաձողի այդ ոլորտում, և հետո միայն գնային նմանօրինակ գործողությունների ,- նշեց Լիլիա Ամիրխանյանը:

Related news

Latest News
Hashtags:   

Բուհերում

 | 

Հայոց

 | 

լեզվի

 | 

Հայոց

 | 

պատմության

 | 

դասավանդման

 | 

մասին

 | 

օրինագիծը

 | 

խնդրահարույց

 | 

սոցիալական

 | 

տեսանկյունից

 | 

փորձագետ

 | 
Most Popular (6 hours)

Most Popular (24 hours)

Most Popular (a week)

Sources