Friday 15 November 2019
Home      All news      Contact us      English
tert.am - 8 days ago

Մեծ Բրիտանիայի Լորդերի պալատի հայազգի անդամ Արա Դարզին կոչ է արել Լոնդոնին ճանաչել Հայոց ցեղասպանությունը

Մեծ Բրիտանիայի Լորդերի պալատի հայազգի անդամ Արա Դարզին (Թերզյան) կոչ է արել բրիտանական կառավարությանը հետևել ԱՄՆ Ներկայացուցիչների պալատի օրինակին և ճանաչել Հայոց ցեղասպանությունը: Այս մասին տեղեկացնում է The Guardian պարբերականը: Որպես բրիտանական խորհրդարանում առաջին հայ պատգամավոր ես ոգևորված եմ, որ ԱՄՆ Ներկայացուցիչների պալատը ճանաչել է Հայոց ցեղասպանությունը: Բայց ես առաջվա պես հուսահատված եմ, որ բրիտանական կառավարությունը հրաժարվում է ճանաչել շուրջ 1,5 միլիոն հայերի սպանությունն Օսմանյան կայսրությունում ,- ասել է Արա Դարզին: Որպես ցեղասպանության անհերքելի փաստ՝ Լոնդոնի կայսերական քոլեջի համաշխարհային բժշկական նորարարությունների ինստիտուտի տնօրեն Արա Դարզին բերել է իր նախնիների օրինակը: Իմ նախապապն ու իր որդիները սպանվել են Օսմանյան կայսրության կառավարական զորքերի կողմից 1915 թվականին: Նրա դուստրը՝ իմ տատը, փախել է այնտեղից՝ մեռած ձևանալով: Նա իր մոր հետ ոտաբոբիկ Էրզրումից գնացել է և հայտնվել Մոսուլում՝ Իրաքի հյուսիսում: Ես ծնվել եմ Բաղդադում, որտեղ մենք ապրում էինք որպես փախստականներ ,- ասել է Դարզին: Նա նշել է նաև, որ Անգլիան հրաժարվում է ճանաչել Հայոց ցեղասպանությունը զուտ այն պատճառով, որ չփչացնի հարաբերությունները ՆԱՏՕ-ի անդամ Թուրքիայի հետ: Հիշեցնենք, որ ԱՄՆ Կոնգրեսի Ներկայացուցիչների պալատում հոկտեմբերի 29-ին կայացած քվեարկության արդյունքում ձայների մեծամասնությամբ ընդունվել է Հայոց ցեղասպանությունը ճանաչող բանաձևը։ Քվեարկությանը մասնակցած կոնգրեսականներից կողմ է քվեարկել 405-ը, դեմ՝ 10-ը, ձեռնպահ՝ 3-ը, իսկ 14 կոնգրեսական չի քվեարկել։

Related news

Latest News
Hashtags:   

Բրիտանիայի

 | 

Լորդերի

 | 

պալատի

 | 

հայազգի

 | 

անդամ

 | 

Դարզին

 | 

Լոնդոնին

 | 

ճանաչել

 | 

Հայոց

 | 

ցեղասպանությունը

 | 
Most Popular (6 hours)

Most Popular (24 hours)

Most Popular (a week)

Sources