Friday 15 November 2019
Home      All news      Contact us      English
tert.am - 8 days ago

Արայիկ Հարությունյանի ջղաձգությունը մեզ զարմացնում է, նրա տված որակումները հարիր չեն ԿԳՄՍ նախարարին. ՀՅԴ-ական ակտիվիստ

Կրթության, գիտության, մշակույթի և սպորտի նախարար Արայիկ Հարությունյանի ջղաձգությունը մեզ զարմացնում է: Այս մասին Tert.am-ի հետ զրույցում ասաց ՀՅԴ ՀԵՄ կենտրոնական վարչության անդամ Քրիստինե Վարդանյանը՝ անդրադառնալով Արայիկ Հարությունյանի հայտարարությունը, որում նախարարն ասել էր, թե այն անդաստիարակ պահվածքը, որը դրսևորում է ՀՅԴ-ն, պատիվ չի բերում մեր ամենահին կուսակցություններից մեկին :
Ընդամենը երկուշաբթի օրը տարածվել է հայտարարություն պարոն նախարարի հրաժարականի պահանջով, երեկ արկղեր են բերվել այս նույն շենք, որպեսզի օգնենք պարոն Հարությունյանին հավաքել իրերը, այսօր բողոքի ակցիա է տեղի ունեցել կառավարության դիմաց, եթե հիմնավորում կա, թե սրա անդաստիարակությունը որն է, սիրով պատրաստ ենք լսել ,- ասաց նա: Քրիստինե Վարդանյանի կարծիքով՝ Արայիկ Հարությունյանը կորցնում է ինքնատիրապետումը, և իրեն թույլ է տալիս արտահայտություններ և որակումներ, որոնք շատ հեռու են իրականությունից և հարիր չեն ԿԳՄՍ նախարարին: Նա նաև հավաստիացրեց, որ քննարկումներին իրենք մշտապես պատրաստ են. Ուղղակի պարոն Արայիկ Հարությունյանն իրականության հետ կապը կորցնելու հետևանքով չի հասկանում, որ քննարկումների փուլն անցել ենք և հրաժարականի պահանջով կարող ենք հանդիպել և փոխանցել մետրոյի ժետոնը և այդքանով սահմանափակվենք ։ Քրիստինե Վարդանյանը հավելեց, որ իրենք պահանջում են Արայիկ Հարությունյանի հրաժարականը: Այսինքն հրաժարականի պահանջից հետո ի՞նչը պետք է քննարկենք, իր հեռանալու պայմաննե՞րը ,- ասաց:

ՀՅԴ ՀԵՄ կենտրոնական վարչության անդամը նաև նշեց, որ իրենք ունեն բարեփոխումների ծրագիր և դրանք կարող են ի մի բերել և փոխանցել հաջորդ նախարարին: Մի մարդ, որը հատել է կարմիր գծերը, ի՞նչ պետք է բանակցել կամ ի՞նչ քննարկումներ անել նրա հետ: Մենք ասում ենք, որ նա տապալել է ողջ համակարգը և խնդիրները լուծելու փոխարեն ստեղծել է նոր խնդիրներ, այս ամեն ինչից է բխում իր հրաժարականի պահանջը ,- ասաց նա: Հիշեցնենք, որ այսօր կառավարության նիստից հետո լրագրողների հետ ճեպազրույցում Արայիկ Հարությունյանը, անդրադառնալով իր հրաժարականի պահանջին, նաև ասել էր Հայաստանից դուրս եղած դաշնակցականները շատ ադեկվատ են, պատրաստակամ են կառուցողական աշխատանքի, ինչն այստեղ չի տեսնում:

Related news

Latest News
Hashtags:   

Արայիկ

 | 

Հարությունյանի

 | 

ջղաձգությունը

 | 

զարմացնում

 | 

որակումները

 | 

հարիր

 | 

նախարարին

 | 

ակտիվիստ

 | 
Most Popular (6 hours)

Most Popular (24 hours)

Most Popular (a week)

Sources