Wednesday 13 November 2019
Home      All news      Contact us      English
tert.am - 7 days ago

Թուրքիան՝ էրդողանի ղեկավարության ներքո, չի կարող լինել ԱՄՆ-ի դաշնակիցը. սենատոր Մենենդեսն անդրադարձել է Թուրքիայի անընդունելի արարքներին՝ կոչ անելով վերանայել ԱՄՆ-Թուրքիա հարաբերությունները

ԱՄՆ Սենատի արտաքին հարաբերությունների հարցերով հանձնաժողովի բարձրաստիճան անդամ Բոբ Մենենդեսը, ելույթ ունենալով Սենատում, անդրադարձել է տարածաշրջանում Թուրքիայի անընդունելի վարքագծին և բարձրաձայնել ԱՄՆ-Թուրքիա հարաբերությունները վերագնահատելու անհրաժեշտության հարցը: Այս մասին տեղեկանում ենք Ամերիկայի Հայ դատի հանձնախմբի ֆեյսբուքյան էջից: Թուրքիան՝ էրդողանի ղեկավարության ներքո, չպետք է և չի կարող լինել Միացյալ Նահանգների դաշնակիցը: Քանի անգամ պետք է տեսնենք, թե ինչպես է Թուրքիան դավաճանում սահմանված արժեքները: Դեռ քանի լրագրողներ պետք է փակի տակ հայտնվեն Էրդողանի կողմից, որպեսզի դադարենք Թուրքիան ժողովրդավարական համարել ,-ասել է սենատորը: Մենենդեսը շեշտել է, որ Սենատում անցկացրած 27 տարիների ընթացքում ուսումնասիրել է Թուրքիայի ներխուժումները, ինչպես օրինակ՝ ներխուժումը Կիպրոս 1974 թվականին, որը, նրա խոսքով, շարունակվում է մինչ օրս: Միջերկրածովյան տարածաշրջանում Թուրքիայի ագրեսիվ գործողություններից, սենատորի խոսքով, տուժել է նաև Հունաստանը: Թուրքիայի գործողությունները վստահելի գործընկերոջ և դաշնակցի արարքներ չեն: Ով կարող է մոռանալ Էրդողանի թիկնապահների հարձակումը խաղաղ ցուցարարների վրա, որոնք իրենց սահմանադրական իրավունքն էին իրագործում: Եվ հիմա էլ, երբ Ներկայացուցիչների պալատում ներկայացվել էր Հայոց ցեղասպանության ճանաչման բանաձևը, Թուրքիան բազմիցս փորձել է արգելափակել այն, քանի որ գիտեր, որ քվեարկության դրվելու պարագայում այն միաձայն կընդունվի: Դա ճշմարտության բարձրաձայնումն է: Հայոց ցեղասպանությունը տեղի է ունեցել: Դա հրեշավոր գործողություն էր ,- հավելել է սենատորը:

Related news

Latest News
Hashtags:   

Թուրքիան՝

 | 

էրդողանի

 | 

ղեկավարության

 | 

ներքո

 | 

կարող

 | 

լինել

 | 

դաշնակիցը

 | 

սենատոր

 | 

Մենենդեսն

 | 

անդրադարձել

 | 

Թուրքիայի

 | 

անընդունելի

 | 

արարքներին՝

 | 

անելով

 | 

վերանայել

 | 

Թուրքիա

 | 

հարաբերությունները

 | 
Most Popular (6 hours)

Most Popular (24 hours)

Most Popular (a week)

Sources