Wednesday 13 November 2019
Home      All news      Contact us      English
tert.am - 8 days ago

ԵՊՀ ուսանողների հետ տարվող աշխատանքների կենտրոնի տնօրենը ռեկտորի ԺՊ–ին առաջարկել է ստեղծել ԵՊՀ պատմության թանգարան, կազմակերպել փերֆորմաևս՝ «Թավշյա հեղափոխականների ներխուժումը համալսարան» վերնագրով

Երևանի պետական համալսարանի ուսանողների հետ տարվող աշխատանքների կենտրոնի տնօրեն Վահագն Վարագյանն իր ֆեյսբուքյան էջում գրել է, որ դիմել է ԵՊՀ ռեկտորի ժամանակավոր պաշտոնակատար Գեղամ Գևորգյանին՝ առաջարկելով ԵՊՀ պատմության թանգարանում ստեղծել թավշյա հեղափոխության անկյուն, նախապատրաստել ԿԳՄՍ նախարար Արայիկ Հարությունյանին հասցեագրված համապատասխան գրության նախագիծ՝ նրա ձեռնափայտը ԵՊՀ պատմության թանգարանին նվիրաբերելու մասին, ինչպես նաև հանձնարարել ԵՊՀ մշակույթի կենտրոնին նախապատրաստել համապատասխան թատերական փերֆորմաևս Թավշյա հեղափոխականների ներխուժումը համալսարան վերնագրով: Հաշվի առնելով սուպերնախարար Արայիկ Հարությունյանի շուրջ վերջին օրերին ծավալվող իրադարձությունները և կանխազգալով թավշյա հեղափոխության արժեքների վտանգվածությունը՝ միջոցներ եմ ձեռնարկել փրկելու իրավիճակը , գրել է Վահագն Վարագյանը և գրառմանը կից ներկայացրել Գեղամ Գևորգյանին հասցեագրված դիմումի լուսապատճենը, որի տեքստը ներկայացնում ենք ստորև:

Հարգելի՛ պարոն Գևորգյան, Հաշվի աոնելով, որոշ համալսարանականների մեծ դերակատարումը թավշյա հեղափոխության իրականացման գործում և ելնելով այն հանգամանքից, որ Լ. Ղարիբջանյանի անվ. ԵՊՀ պատմության թանգարանում ներկայացված են վերջին 100-ամյա մեր պատմության տարբեր էջեր, առաջարկում եմ ԵՊՀ պատմության թանգարանում ստեղծել թավշյա հեղափոխության անկյուն: Վստահ եմ, որ նման անկյունը լավագույնս կարող է ուսուցանել ապագա սերունդներին, թե ինչպես չի կարելի վարվել պետականության հետ: Հաշվի առնելով ՀՀ կրթության, գիտության, մշակույթի և սպորտի նախարար Ա. Հարությունյանի ( թավշյա հեղափոխության օրերին ԵՊՀ արևելագիտության ֆակուլտետի դասախոս) անուրանալի դերակատարությունը թավշյա հեղափոխության իրականացման ողջ ընթացքում որպես առաջին խորհրդանշական ցուցանմուշ առաջարկում եմ ներկայացնել Ա. Հարությունյանի հայտնի ձեռնափայտը: Այս իրողությունը խթան կհանդիսանա, որ հետագայում անկյունը համալրվի այլ ցուցանմուշներով :

Առաջարկում եմ հանձնարարել ԵՊՀ պատմության թանգարանի տնօրենին նախապատրաստել անկյունի ստեղծման աշխատանքները, ինչպես նաև նախապատրաստել Ա. Հարությունյանին հասցեագրված համապատասխան գրության նախագիծ՝ ձեռնափայտը ԵՊՀ պատմության թանգարանին նվիրաբերելու մասին:

Կարծում եմ, որ թանգարանի անկյունի բացման հանդիսավոր արարողությունը նպատակահարմար է կազմակերպել 2020թ. ապրիլի 13-ին՝ թավշյա հեղափոխության առաջնորդների կողմից ԵՊՀ բնականոն աշխատանքները խոչընդոտելու օրը, որի համար առաջարկում եմ հանձնարարել ԵՊՀ մշակույթի կենտրոնին նախապատրաստել համապատասխան թատերական փերֆորմաևս Թավշյա հեղափոխականների ներխուժումը համալսարան վերնագրով :

Related news

Latest News
Hashtags:   

ուսանողների

 | 

տարվող

 | 

աշխատանքների

 | 

կենտրոնի

 | 

տնօրենը

 | 

ռեկտորի

 | 

ԺՊ–ին

 | 

առաջարկել

 | 

ստեղծել

 | 

պատմության

 | 

թանգարան

 | 

կազմակերպել

 | 

փերֆորմաևս՝

 | 

Թավշյա

 | 

հեղափոխականների

 | 

ներխուժումը

 | 

համալսարան

 | 

վերնագրով

 | 
Most Popular (6 hours)

Most Popular (24 hours)

Most Popular (a week)

Sources