Saturday 14 December 2019
Home      All news      Contact us      English
tert.am - 1 month ago

ԱՄՆ-ն ցուցադրաբար դուրս եկավ Սիրիայի հյուսիս-արևելքից՝ արտոնելու համար Թուրքիայի ագրեսիան. Արմեն Պետրոսյան

Արաբագետ Արմեն Պետրոսյանը իր ֆեյսբուքյան էջում գրառում է կատարել, որտեղ անդրադառնում է Սիրիայի հյուսիս-արևելքից ԱՄՆ զորքերի դուրսբերմանը և նշում, որ, չնայած Վաշինգթոնից ամենաբարձր մակարդակով հնչած հայտարարություններին, ԱՄՆ-ն դեռևս շարունակելու է որոշակի ներկայություն պահպանել նաև Սիրիայի հյուսիս-արևելքում: Գրառումն ամբողջությամբ ներկայացնում ենք ստորև. ԱՄՆ-ն ցուցադրաբար դուրս եկավ Սիրիայի հյուսիս-արևելքից՝ արտոնելու համար Թուրքիայի ագրեսիան: Ամերիկացի զինծառայողները վերականգնել են Սիրիայի հյուսիս-արևելքում Թուրքիայի սահմանից մի քանի կմ հեռավորության վրա գտնվող ալ-Կահտանիա և Ռումեիլան շրջանների նավթի հանքավայրերում պարեկային ծառայության իրականացումը․խոսքն այն տարածքների մասին է, որտեղից նրանք ցուցադրաբար հետ քաշվեցին՝ փաստացի արտոնելով Թուրքիային՝ սկսելու Խաղաղության աղբյուր ռազմագործողությունը։ Իսկ մինչ այս ամերիկյան ռազմական միավորումները շարունակում էին պարեկային գործառույթ իրականացնել Դեյր Զոր նահանգի նավթի հանքավայրերի շրջանում, ինչպես նաև պահպանել ներկայությունը Սիրիայի հարավում՝ Հորդանանի և Իրաքի սահմանների մերձակայքում տեղակայված, ռազմավարական նշանակություն ունեցող ալ-Թանֆ ռազմաբազայում։ Վերոնշյալը թույլ է տալիս վստահ դատողություն անելու առ այն, որ չնայած Վաշինգթոնից ամենաբարձր մակարդակով հնչած իրարամերժ հայտարարություններին, այդուհանդերձ, ԱՄՆ-ն դեռևս շարունակելու է որոշակի ներկայություն պահպանել նաև Սիրիայի հյուսիս-արևելքում՝ արդեն իր համար կարևորվող շրջաններում։ Իսկ շուրջ 20 օր տևած պայմանական հեռացումը նշված տարածքներից նույնպես կարելի է գնահատել որպես քրդերին ակնհայտորեն քցելու վառ ապացույց ։

Related news

Latest News
Hashtags:   

ցուցադրաբար

 | 

դուրս

 | 

Սիրիայի

 | 

հյուսիս

 | 

արևելքից՝

 | 

արտոնելու

 | 

համար

 | 

Թուրքիայի

 | 

ագրեսիան

 | 

Արմեն

 | 

Պետրոսյան

 | 
Most Popular (6 hours)

Most Popular (24 hours)

Most Popular (a week)

Sources