Tuesday 12 November 2019
Home      All news      Contact us      English
tert.am - 13 days ago

Լուրերը, թե պատրաստվում եմ հրաժարական տալ, ինչ-որ մարդկանց հիվանդ երևակայության արդյունքն է. Աբովյանի քաղաքապետ

Այն լուրերը, թե ես պատրաստվում եմ հրաժարական տալ, ինչ-որ մարդկանց հիվանդ երևակայության արդյունքն է, մենք մեր բնականոն հունով աշխատում ենք: Այս մասին Tert.am-ի հետ զրույցում ասաց Աբովյանի քաղաքապետ Վահագն Գևորգյանը: Դիտարկմանը՝ իր հանդեպ հարուցված քրեական գործերը խոչընդոտ չեն, նա պատասխանեց. Այո, կան հարուցված քրեական գործեր, որոնք իրավապահ մարմինների տիրույթում են: Բոլոր հարցերի հետ կապված՝ նկատի ունեմ թե՛ իրավական, թե՛ բարոյական դաշտում, դրանց պատասխանները մենք պատրաստ ենք տալ: Համենայն դեպս այդ գործերը նախաքննության փուլում են, և այս պահին ոչինչ չեմ կարող ասել: Ինչ վերաբերում է համայնքապետարանի աշխատանքներին, մենք բնականոն, առօրյա մեր ռեժիմով աշխատում ենք : Ինչ վերաբերում է մամուլի հրապարակումներին, թե Կոտայքի մարզպետ Ռոմանոս Պետրոսյանն է հենց հայտարարել, որ հասնելու են նրան, որ Գևորգյանը հրաժարական տա, նա ասաց. Անմեղության կանխավարկածից ելնելով՝ չեմ ցանկանում խոսել, թե ովքեր են ասում նման բաներ, բայց նորից եմ կրկնում՝ այն լուրերը, թե ես պատրաստվում եմ հրաժարական տալ, ինչ-որ մարդկանց հիվանդ երևակայության արդյունքն է : Նշենք, որ մամուլում տեղեկություններ են հրապարակվել, որ Աբովյանի քաղաքապետը հրաժարական կտա: Եվ ըստ մամուլի՝ Կոտայքի մարզպետ Ռոմանոս Պետրոսյանը հայտարարել է, որ հասնելու են այն բանին, որ Աբովյանի քաղաքապետ Վահագն Գևորգյանը հրաժարական ներկայացնի:

Related news

Latest News
Hashtags:   

Լուրերը

 | 

պատրաստվում

 | 

հրաժարական

 | 

մարդկանց

 | 

հիվանդ

 | 

երևակայության

 | 

արդյունքն

 | 

Աբովյանի

 | 

քաղաքապետ

 | 
Most Popular (6 hours)

Most Popular (24 hours)

Most Popular (a week)

Sources