Monday 16 December 2019
Home      All news      Contact us      English
tert.am - 2 month ago

Ենթադրում եմ Ողջի գետի աղտոտվածության հարցով քրեական պատասխանատվություն կլինի. Շրջակա միջավայրի նախարար

Ենթադրում եմ Ողջի գետի աղտոտվածության հարցով քրեական պատասխանատվություն կլինի: Այս մասին լրագրողների հետ զրույցում ասաց Շրջակա միջավայրի նախարար Էրիկ Գրիգորյանն՝ անդրադառնալով Արծվանիկի պոչամբարի մետաղյա խողովակաշարի վթարի հետևանքով հոսքաջրերի Ողջի գետը լցվելուն: Ըստ Գրիգորյանի Հայաստանում բնապահպանական իրավախախտումների մասով ամբողջ վարչարարությունն իրականացնում է Բնապահպանական և ընդերքի տեսչական մարմինը, և վերջինս այս պահին իրականացրել է Ողջի գետի աղտոտման նմուշառումը, հետազոտությունները և բոլոր անալիզները վերցրել է: Ըստ այդ հետազոտությունների արդյունքների որոշակի մետաղների ալյումինի, երկաթի կոնցենտրացիաները գերազանցում են սահմանային թույլատրելի չափաքանակները, մի քանի հետազոտություն էլ կա օրգանական մասով, որը մեկ օրում հնարավոր չէ իրականացնել, 3-4 օր է տևում ,-ասաց նախարարը: Էրիկ Գրիգորյանի խոսքով վնասի չափը հաշվելու գործընթացը կատարվում է կառավարության որոշմամբ սահմանված կարգով, բանաձևերով: Ըստ այդ բանաձևերի թվերը լրացնում են, գործակիցներ են կիրառում, ստանում են ինչ-որ թիվ, և եթե դա էական վնասը գերազանցում է, այսինքն որոշակի չափաքանակ, ապա քրեական պատասխանատվություն է նախատեսված աղտոտողների համար, եթե ոչ, ապա վարչական պատասխանատվություն ,-մեկնաբանեց Գրիգորյանը նշելով, որ այս պահին իր ունեցած տվյալներով քրեական պատասխանատվության հարց կլինի: Եթե վնասը գերազանցում է սահմանված չափը, դա փոխանցվում է Դատախազություն, և Դատախազությունն արդեն քրգործի շրջանակներում իր գործունեությունն է իրականացնում: Գետում ծանր մետաղներ են, որոնք օրգանիզմների, էկոհամակարգերի համար որոշակի վնասակարություն են ենթադրում՝ կախված իրենց խտությունից ,-ասաց Գրիգորյանը: Հարցին որքա՞ն պետք է կազմի վնասը, որ գործը փոխանցվի Դատախազություն, նախարարը պատասխանեց, որ օրենսդրության մեջ այդ հարցով անհստակություն կա: Էական վնասն այս պարագայում քրեական օրենսգրքով նշված է 500-ապատիկի չափով, այսինքն՝ 500 հազար դրամ ,-ասաց նա: Էրիկ Գրիգորյանի խոսքով պատկան մարմինները կարող են գետն աղտոտողներին պարտավորեցնել բնությունը բերել նախկին տեսքին վերականգնելով բնությանը պատճառված վնասը: Հարցին պետական ո՞ր մարմինն է պատասխանատվության ենթարկվելու պատշաճ վերահսկողություն չիրականացնելու համար, Էրիկ Գրիգորյանն ասաց, որ նման վթարների համար պատասխանատուները կոնկրետ տնտեսվարողներն են, սակայն կան պետական որոշակի լծակներ։ Հիշեցնենք, որ ս.թ. հոկտեմբերի 17-ին Զանգեզուրի պղնձամոլիբդենային կոմբինատ ՓԲ ընկերությանը պատկանող Արծվանիկի պոչամբարի մետաղյա խողովակաշարում տեղի ունեցած վթարի հետևանքով հոսքաջրերը լցվել էին Ողջի գետ։ https://www.tert.am/am/news/2019/10/17/mes/3119541

Related news

Latest News
Hashtags:   

Ենթադրում

 | 

աղտոտվածության

 | 

հարցով

 | 

քրեական

 | 

պատասխանատվություն

 | 

կլինի

 | 

Շրջակա

 | 

միջավայրի

 | 

նախարար

 | 
Most Popular (6 hours)

Most Popular (24 hours)

Most Popular (a week)

Sources