Friday 6 December 2019
Home      All news      Contact us      English
tert.am - 1 month ago

Թուրքիան իր նախանշած ծրագրին հասել է մասնակիորեն՝ 30 տոկոսով. իրանագետը՝ Սիրիայի հյուսիսում Թուրքիայի գործողությունների մասին

Այսօր Ոսկանապատ վերլուծական կենտրոնը կազմակերպել է պանելային քննարկում Փոփոխվող Մերձավոր Արևելքը և Հայաստանի անվտանգային միջավայրը թեմայով: Բանախոսներն են միջազգայնագետ Սուրեն Սարգսյանը, իրանագետ Վարդան Ոսկանյան, քաղաքական մեկնաբան Կարեն Բեքարյան, ադրբեջանագետ Անժելա Էլիբեգովան: Իրանագետ Վարդան Ոսկանյանը նշեց, որ չի կարծում, թե ընդհանուր առմամբ Մերձավոր Արևելքում ուժերի խիստ փոփոխություն է եղել: Թուրքիան իր նախանշած ծրագրին հասել է մասնակիորեն, իմ գնահատմամբ՝ 30 տոկոսով, քանի որ իրենց նպատակը միասնական անվտանգության գոտի ստեղծելն է՝ Սիրիա-Թուրքիա սահմանագծում: Թուրքիան նախորդ ներխուժումներից և այս ներխուժումներից իր նպատակին չի հասել և չի վերահսկելու այդ սահմանագիծը, իր խնդիրը լուծել է հատվածական ներխուժումներով լոկալ առումով ,-ասաց նա: Անդրադառնալով տարածաշրջանում Իրանի դերակատարությանը՝ նա ասաց, որ իրանցիներն ունեն թե՛ դիվանագիտական կարևոր լծակներ, թե՛ իրանամետ զինված խմբավորումներ, որոնք մասնակցում են մարտական գործողությունների: Քրդերը իրանական ժողովուրդներից մեկն են: Իրանցիները Սիրիայում ունեն բազմաթիվ լծակներ. չմոռանանք, որ Ադանայի համաձայնագիրը կնքվել է Եգիպտոսի և Իրանի միջնորդական առաքելությամբ, պատկերավոր ասած՝ Իրանի կնքահայրությամբ ,-ասաց նա: Վարդան Ոսկանյանը նշեց, որ Մերձավոր Արևելքի մյուս հատվածները նայելիս կարելի է տեսնել, որ իրանցիներն ավելի մեծ հնարավորություններ ունեն, ավելի մեծ ազդեցություն ունեն, քան Թուրքիան: Ըստ էության այս տարածաշրջանում որևէ խնդիր, առանց Իրանի ներկայության, չի կարող լուծվել, իրանցիները ունեն բազմաթիվ արբանյակներ: Իրաքը կարող է դիտարկվել Իրանի շարունակությունը, քանի որ այնտեղ իրանական ազդեցությունը հսկայական է ,-ասաց նա: Խոսելով Հայկական գումարտակ մասին՝ Վարդան Ոսկանյանը նշեց, որ դա քարոզչական խայծ է և մեր դեմ է կիրառվում: Թուրքական տեսանկյունից ակնհայտ է, որ մեր դեմ է դա օգտագործվում, նույնիսկ Չավուշօղլուն հայտարարեց, որ որտեղ տեռոր կամ ահաբեկչություն կա, այնտեղ հայեր կան: Սրան, կարծում եմ, պետք է խիստ արձագանք լիներ: Բացի այդ Ադրբեջանը խոսում է տիպաբանական նմանության մասին, սակայն Սիրիան և Արցախը չեն կարող որևէ տիպաբանական նմանություն ունենալ ,-ասաց նա:

Related news

Latest News
Hashtags:   

Թուրքիան

 | 

նախանշած

 | 

ծրագրին

 | 

հասել

 | 

մասնակիորեն՝

 | 

տոկոսով

 | 

իրանագետը՝

 | 

Սիրիայի

 | 

հյուսիսում

 | 

Թուրքիայի

 | 

գործողությունների

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources