Friday 22 November 2019
Home      All news      Contact us      English
tert.am - 1 month ago

Այս փուլում Արցախի հարցը չունի խաղաղ լուծում. բովանդակային բանակցություններ չեն սպասվում, իսկ Ադրբեջանը պատրաստվում է պատերազմի. Ստեփան Գրիգորյան (տեսանյութ)

Որքան էլ մեծացնենք մեր ռազմական բյուջեն, չենք կարող հասնել Ադրբեջանի պաշտպանական ծախսերի մակարդակին. մենք պիտի գնանք ոչ թե էքստենսիվ, այլ տեխնոլոգիական զարգացման: Արմնյուզ ՀԸ #ՕրաԽնդիր հաղորդմանը նման կարծիք է հայտնել քաղաքագետ Ստեփան Գրիգորյանը:

Ըստ նրա՝ անհնար է համաչափորեն պատասխանել Ադրբեջանին, նրա հնարավորություններն ավելին են, իսկ մենք նման ռեսուրսներ չունենք. Մենք դրան պետք է պատասխանենք, օրինակ, բանակում կոռուպցիայի դեմ ավելի արդյունավետ պայքարով: Չենք կարող ասել, թե այսօր բանակում կոռուպցիան իսպառ բացակայում է :

Քաղաքագետի կարծիքով՝ ՀԱՊԿ-ում մենք վաղուց ընկալման խնդիր ունենք, և դա կարող է փոխհատուցվել Իրանի կամ ՆԱՏՕ-ի հետ մեր ակտիվ աշխատանքով: Ստեփան Գրիգորյանի պնդմամբ՝ նախկին իշխանություններն այդպես էլ չհաջողեցին ապրիլյան պատերազմից հետո վերականգնել տարածաշրջանային ռազմաքաղաքական բալանսը. Հիմա շատ ավելի կարևոր է, թե ինչ է անում նոր իշխանությունը: Վերջին մեկուկես տարում ռազմական բալանսի առումով գրեթե ոչինչ չի փոխվել, ո՛չ նահանջ կա, ո՛չ առաջխաղացում :

Գրիգորյանի կարծիքով՝բանակցային գործընթացը դադարել է դեռևս 2012-ին՝ կազանյան փաստաթղթի տապալումից հետո, դրանից հետո կողմերի միջև եղել է ընդամենը կարծիքների փոխանակում ու կոշտ հռետորաբանություն. Այսօր կան կոնտակտներ, կարծիքների փոխանակում, բայց չկա բանակցություն: Նիկոլ Փաշինյանն ուզում է առավելագույնս հեռանալ մադրիդյան սկզբունքներից: 2016-ին Ադրբեջանի հրահրած պատերազմը ցույց տվեց, որ գրեթե անիմաստ է դրանց շուրջ բանակցել: Հիմա մադրիդյան սկզբունքները մեզ կարող են վնաս տալ :

Քաղաքագետի պնդմամբ՝ Ռուսաստանի քաղաքականությունն Արցախի հարցում փոփոխական է, ՌԴ ԱԳՆ-ն տարբեր առիթներով տարբեր պնդումներ է անում. Լավրովի հայտարարությունը ոչ մի կապ չուներ Արցախի հարցի հետ: Ադրբեջանը պարզապես պլանավորում է Ռուսաստանից 5 միլիարդ դոլարի զենք գնել, դա ռուսների ժեստն էր:Համոզված չեմ, որ Ռուսաստանն ուզում է լուծել Ղարաբաղի հարցը: Բայց նրա լծակները շատ լուրջ են և՛ Հայաստանում, և՛ անգամ Ադրբեջանում : Գրիգորյանի կարծիքով՝ Փաշինյանն ինքն էլ է հասկանում, որ հակամարտության երեք կողմերին միաժամանակ գոհացնելն անհնար է, բայց վարչապետի այդ խոսքն ուղղված էր միջազգային հանրությանն ու Ադրբեջանին. Մենք պետք է ճկուն լինենք, որ չհայտնվենք մեկուսացման մեջ, որ չմնանք Ռուսաստանի ու Թուրքիայի հետ դեմ-հանդիման :

Ղարաբաղյան հարցում բովանդակային բանակցություններ չեն սպասվում, Ադրբեջանն ուզում է հարցն ուժով լուծել: Ադրբեջանը պատրաստվում է պատերազմի, Հայաստանը՝ սահմանները պաշտպանելու: Այս փուլում Արցախի հարցը չունի խաղաղ հանգուցալուծում ,- ամփոփել է քաղաքագետը: Դավիթ Սարգսյան

Related news

Latest News
Hashtags:   

փուլում

 | 

Արցախի

 | 

հարցը

 | 

չունի

 | 

խաղաղ

 | 

լուծում

 | 

բովանդակային

 | 

բանակցություններ

 | 

սպասվում

 | 

Ադրբեջանը

 | 

պատրաստվում

 | 

պատերազմի

 | 

Ստեփան

 | 

Գրիգորյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources