Friday 22 November 2019
Home      All news      Contact us      English
tert.am - 1 month ago

Արսեն Բաբայանին իրականության հետ առնչություն չունեցող նոր մեղադրանք է առաջադրվել. այն առնչություն ունի ՍԴ-ի հետ. փաստաբան Երվանդ Վարոսյան

Դատական նիստ տեղի չի ունեցել, այն նշանակվել է վաղը: Այս մասին լրագրողների հետ զրույցում ասաց ԱԺ աշխատակազմի ղեկավարի նախկին տեղակալ Արսեն Բաբայանի փաստաբան Երվանդ Վարոսյանը: Վերջինս նշեց, որ դատավորը պարտավոր էր ձերբակալության օրինաչափության հարցը քննարկման առարկա դարձնել 24 ժամվա ընթացքում: 24 ժամն արդեն անցել է, նիստ չի եղել, Արսեն Բաբայանին դատարան չեն ներկայացրել, որպեսզի նիստ լինի : Նրա խոսքով իրավիճակի համար մեղավոր է Հայաստանում դատարանի բացակայությունը: Դատավորն ու վարույթ իրականացնող մարմինը պետք է ապահովեին նրա ներկայությունը, դրա փոխարեն նոր մեղադրանք է առաջադրվել Արսեն Բաբայանին, որ ինքն օժանդակել է ինչ-որ անձանց կողմից ինչ-որ անհայտ միջոցներով ու մեթոդներով ինչ-որ իշխանության յուրացմանը: Արսեն Բաբայանը մեզ հետ միասին կարդում էր այդ տեքստը փորձելով հասկանալ ինչի մասին է խոսքը. այդպես էլ չհասկացավ : Փաստաբանի խոսքով մեղադրանքն իրականության հետ առնչություն չունի: Մեղադրանքն Արսեն Բաբայանի հետ առնչություն չունի, առնչություն ունի ՀՀ Սահմանադրական դատարանի և այն պրոցեսի հետ, որն այսօր կատարվում է Սահմանադրական դատարանի շուրջ: Ես որպես իրավաբան, իրավական գնահատական այդ առաջադրված տեքստին տալ չեմ կարող ,-ասաց փաստաբանը վերահաստատելով նաև Իրավական ուղի ՀԿ համահիմնադիր Ռուբեն Մելիքյանի միտքը, որ Արսեն Բաբայանը քաղբանտարկյալ է: Նա շեշտեց՝ Արսեն Բաբայանի համար ակնհայտ է, թե այս հետապնդումն ինչ նպատակ ունի։ Նպատակը ՍԴ-ի հետ կապված զարգացումներն են։ Նա այս պահին սանիկի կարգավիճակում է գտնվում։ Արսեն Բաբայանը պատրաստ է կրել ցանկացած զրկանք՝ թեկուզ ապօրինի, եթե դա անհրաժեշտ է Հայաստանի Հանրապետությանը : Հիշեցնենք, որ հոկտեմբերի 21-ին պաշտոնեական կեղծիք կատարելու կասկածանքով ձերբակալվել է Ազգային ժողովի աշխատակազմի ղեկավարի նախկին տեղակալ Արսեն Բաբայանը։ Ըստ ՀՔԾ-ի՝ քրեական օրենսգրքի 300-րդ հոդվածի 1-ին՝ իշխանությունը զավթելու մասով հարուցված քրեական գործի նախաքննության ընթացքում փաստական տվյալներ են ձեռք բերվել այն մասին, որ պաշտոնատար անձինք Սահմանադրական դատարանի նախկին նախագահ Գագիկ Հարությունյանի կողմից լիազորությունները վայր դնելու գործընթացում, խմբային շահերից ելնելով, անձամբ, ինչպես նաև պաշտոնատար անձ չհանդիսացող աշխատակիցների միջոցով կատարել են պաշտոնեական կեղծիքներ։ Նկատի ունենալով, որ բացահայտվել է առերևույթ կատարված նոր հանցագործության դեպք, Հատուկ քննչական ծառայությունում Քրեական օրենսգրքի 314-րդ հոդվածի 1-ին՝ պաշտոնական կեղծիք կատարելու մասով հարուցվել է նոր քրեական գործ, որը միացվել է իշխանությունը յուրացնելու դեպքի առթիվ հարուցված քրեական գործին: Այս գործը հարուցվել էր պատգամավոր Արման Բաբաջանյանի հաղորդման հիման վրա: ԱԺ աշխատակազմի ղեկավարի նախկին տեղակալ Արսեն Բաբայանի պաշտպանները Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանում բողոքարկել են Բաբայանին ձերբակալելու որոշումը:

Related news

Latest News
Hashtags:   

Արսեն

 | 

Բաբայանին

 | 

իրականության

 | 

առնչություն

 | 

չունեցող

 | 

մեղադրանք

 | 

առաջադրվել

 | 

առնչություն

 | 

փաստաբան

 | 

Երվանդ

 | 

Վարոսյան

 | 
Most Popular (6 hours)

Most Popular (24 hours)

Most Popular (a week)

Sources