Thursday 21 November 2019
Home      All news      Contact us      English
tert.am - 30 days ago

ՍԴ նախագահի լիազորությունները դադարեցնելու մասին ԱԺ դիմումը ՍԴ-ը թողել է առկախված և ԱԺ-ի նկատմամբ դրսևորել անհարգալից վերաբերմունք. Մակունց

Սահմանադրական դատարանը չի տվել պատասխան ԱԺ կողմից ներկայացված այն հարցադրումներին ու մտահոգություններին, որոնք պետք է փարատվեին կամ հաստատվեին, այսինքն՝ առկախված են մնացել այն բոլոր հարցադրումները, որոնք արծարծված են եղել նախագծում, փոխարենը ՍԴ-ն որոշում է կայացրել, որ ՍԴ նախագահի լիազորությունները դադարեցնելու մասին ԱԺ դիմումը թողնում է առկախված և դրանով ԱԺ-ի նկատմամբ ՍԴ կողմից դրսևորվել է անհարգալից վերաբերմունք, որը, իհարկե, արձագանք կստանա:

Այս մասին խորհրդարանում լրագրողների հետ զրույցում հայտարարեց ԱԺ Իմ քայլը խմբակցության ղեկավար Լիլիթ Մակունցը՝ պատասխանելով հարցին՝ ՍԴ որոշումից հետո ինչ քայլեր է ԱԺ-ն ձեռնարկելու ՍԴ նախագահ Հրայր Թովմասյանի լիազորությունները դադարեցնելու մասով:

Սահմանադրական դատարանը դիրքավորվել է այնպես, որ ոչ միայն չի ուզում լուծումներ տալ առկա խնդիրներին, այլ չի ուզում դրանք քննարկել, դրանով իսկ խորացրել է այն վստահության ճգնաժամը, որը կա ՍԴ-ի նկատմամբ: Մեր գործողությունները շարունակելու են մնալ նույնը, ինչ նախկինում էր: Մենք սրանով խնդիր չէինք դրել լուծելու ՍԴ-ի շուրջ եղած ճգնաժամը, այս խնդիրը բացարձակապես կապ չունի մեր համապարփակ մոտեցումների հետ ,- շեշտեց նա:

Պատգամավորն ասաց, որ հետագա քայլերում առաջնորդվելու են այն պլանով, որը ներկայացված է Արդարադատության նախարարության կողմից ներկայացված ռազմավարական փաթեթում, բայց միևնույն ժամանակ, ըստ Մակունցի, դատաիրավական համակարգում բարեփոխումների, դատարանների և դատավորների նկատմամբ վստահությունը վերականգնելու ուղղությամբ իր աշխատանքներում ԱԺ-ն չի սահմանափակվելու միայն նախարարության կողմից ներկայացված փաթեթով:

Դիտարկմանը՝ ընդդիմությունը պնդում է, որ թիվ մեկ օրակարգ են դարձրել Հրայր Թովմասյանի հրաժարականի հարցը, նա պատասխանեց. Ես համաձայն չեմ այդ գնահատականի հետ, նորից եմ կրկնում՝ այն նախագիծը և գործընթացը, որ իրականացվում էր Թովմասյանի հետ կապված, բոլորվին այլ նախագիծ էր ,- նշեց նա: Անդրադառնալով Հրայր Թովմասյանի հորն ու դուստրերին ԱԱԾ հրավիրելուն՝ Մակունցը բացառեց, որ կարող է այդ ամենն իրականացվել քաղաքական դրդապատճառներից ելնելով: Բացառում եմ բոլոր այն ենթատեքստերը եւ մեկնաբանությունները, որոնք դրվում են քաղաքական դրդապատճառների առումով։ Չի կարող նման բան լինել, չի կարող լինել այն իշխանության պարագայում, որը մերժել է քաղաքական հետապնդումների երեւույթը ,- ասաց նա։

Related news

Latest News
Hashtags:   

նախագահի

 | 

լիազորությունները

 | 

դադարեցնելու

 | 

մասին

 | 

դիմումը

 | 

թողել

 | 

առկախված

 | 

նկատմամբ

 | 

դրսևորել

 | 

անհարգալից

 | 

վերաբերմունք

 | 

Մակունց

 | 
Most Popular (6 hours)

Most Popular (24 hours)

Most Popular (a week)

Sources