Tuesday 19 November 2019
Home      All news      Contact us      English
tert.am - 1 month ago

Հայաստանում պետբյուջեն հաճախ ծախսվում է ավելորդությունների վրա, մինչդեռ թեկուզ մեկ ավել լուման էլ պետք է ուղղվի ռազմական պաշտպանությանը. Վարդան Բոստանջյան

Հայաստանի նման երկրի համար թեկուզ մեկ ավել լուման էլ պետք է ուղղվի ռազմական պաշտպանությանը, ինչը չի արվում: Այս մասին Tert.am-ի հետ զրույցում ասաց տնտեսագետ Վարդան Բոստանջյանն անդրադառնալով 2020 թ․-ի պետական բյուջեի նախագծի ռազմական պաշտպանության ծախսերի 0.8%-ով ավելացմանը: Հատկացվող գումարը չափազանց քիչ է, և Ադրբեջանի ռազմական բյուջեի հետ համեմատությունն անգամ անիմաստ է: Վերջինիս ռազմական պաշտպանության բյուջեն մեր ռազմական պաշտպանության համար նախատեսվող բյուջեն գերազանցում է 6-7 անգամ, իսկ հիմա էլ այդ միտումը շարունակվում է և, ակնհայտորեն, դա մեր ուժերի բալանսի առումով հերթական դժվար տարին է ստեղծում ,-ասաց նա նշելով նաև, որ այն տնտեսական մուտքերով, որոնք Հայաստանն է ունենում, հնարավոր չէ մրցակցել Ադրբեջանի հետ: Տնտեսագետի խոսքով Հայաստանում պետական բյուջեն հաճախ ծախսվում է ավելորդությունների վրա այն դեպքում, երբ ռազմական պաշտպանության ոլորտը ամրապնդման կարիք ունի: Գովազդային վահանակներին Նիկոլ Փաշինյանի խոսքերը, վարչապետին սպասարկող ինքնաթիռներին՝ ահռելի ծախսեր, ԱԺ-ից նախորդ տարվա համեմատ 30%-ով ավելի ծախս՝ պատգամավորների գործուղումների համար. անհագուրդ, քաղցած վիճակով պետության հաշվին գործուղումներ են անում, և ճնշող մեծամասնության դեպքում այդ գործուղումներն ընդամենը շրջագայություններ են: Սրանք ծախսեր են, որոնք չափազանց անհրաժեշտ են մեր զինված ուժերի ամրապնդման և ուժեղացման համար, սակայն նոր իշխանություններ, հայտնվել են պատրանքների երկրում ի դեմս մեր պետական բյուջեի, և իրականացնում են ծախսեր, որոնք այլ քաղաքակիրթ երկրներում կարող են որակվել որպես պետական հանցագործություն և հետապնդվել հասարակության կողմից ,-ասաց Բոստանջյանը ընդգծելով նաև, որ այս իրավիճակը վտանգավոր է: Անդրադառնալով իշխանության նախընտրական խոստումներին ավելացնել ռազմական պաշտպանության բյուջեն և թարմացնել սպառազինությունը, տնտեսագետը նշեց, որ դրանք պարզապես օդից խոստումներ էին, որոնք հասարակությանն ապակողմնորոշելու նպատակ ունեին: Հիշեցնենք, որ ՀՀ կառավարության սեպտեմբերի 30-ի նիստում ընդունվել է 2020 թ․ պետական բյուջեի նախագիծը, որով սահմանում են հաջորդ տարվա հիմնական ծախսային ուղենիշները։ Այս բյուջեով ռազմական պաշտպանության ծախսերը մեծացվում են 0,8%-ով ներկա 300,5 մլրդ դրամից 303 մլրդ դրամի հասնելով:

Related news

Latest News
Hashtags:   

Հայաստանում

 | 

պետբյուջեն

 | 

հաճախ

 | 

ծախսվում

 | 

ավելորդությունների

 | 

մինչդեռ

 | 

թեկուզ

 | 

լուման

 | 

ուղղվի

 | 

ռազմական

 | 

պաշտպանությանը

 | 

Վարդան

 | 

Բոստանջյան

 | 
Most Popular (6 hours)

Most Popular (24 hours)

Most Popular (a week)

Sources