Tuesday 19 November 2019
Home      All news      Contact us      English
tert.am - 1 month ago

Պաշտպանական ծախսերի նկատմամբ չեզոք, խնայողական մոտեցումն Ադրբեջանին հնարավորություն կտա ավելի ագրեսիվ քաղաքականություն որդեգրել. տնտեսագետը 2020-ի բյուջեի մասին

Եթե մենք ավելացնեինք մեր ռազմական պաշտպանության ծախսերը, հնարավոր է Ադրբեջանում մտածեին անիմաստ է մոտակա 3 տարիների ընթացքում պատերազմ սկսելը, սակայն նվազեցնելու ազդակից Ադրբեջանը կարող է օգտվել: Այս մասին Tert.am-ի հետ զրույցում ասաց տնտեսագետ Արամ Կայֆաջյանը՝ անդրադառնալով 2020 թ․-ի պետական բյուջեի նախագծի ռազմական պաշտպանության ծախսերի 0.8%-ով ավելացմանը: Դժվարանում եմ ասել, թե ինչու է կառավարությունը նման թիվ որոշել, գուցե մտածում են, որ ավելի նպատակահարմար է սոցիալական, տնտեսական ուղղություններին ուղղել բյուջեի ծախսերը: Բոլորս էլ գիտակցում ենք, որ նման ագրեսիվ միջավայրում, պայմաններում ծախսերը ռազմականին ուղղելն ավելի առաջնահերթ է ,- ասաց նա և հավելեց, որ գոնե պետք էր պահպանել ռազմական բյուջեի նույն ցուցանիշները: Դիտարկմանը, որ Ադրբեջանը պատրաստվում է ռազմական պաշտպանության ծախսերն ավելացնել 20%-ով, տնտեսագետը պատասխանեց, որ նման փոփոխությունները ցույց են տալիս, որ նրանք, գուցե, պատերազմի են նախապատրաստվում: Այսպիսի ազդակներ ստանալու պայմաններում մենք, առնվազն, նույն համամասնությունը պետք է պահպանենք: Իմ համոզմամբ՝ նույնիսկ պետք է համամասնությունը մեծացնել ,- ասաց տնտեսագետը: Կայֆաջյանի խոսքով՝ մեր այս չեզոք և խնայողական մոտեցումը պաշտպանական ծախսերի նկատմամբ Ադրբեջանին հնարավորություն կտա, որ նրանք ավելի ագրեսիվ քաղաքականություն որդեգրեն: Նրանց 20%-ով ավելացումը մեծ տարբերություն է: Կուզեի, որ այդ գումարները ուղղվեին ներդրումային հատվածին, սակայն ոչ ռազմական ծախսերի հաշվին ,- ասաց նա:

Related news

Latest News
Hashtags:   

Պաշտպանական

 | 

ծախսերի

 | 

նկատմամբ

 | 

չեզոք

 | 

խնայողական

 | 

մոտեցումն

 | 

Ադրբեջանին

 | 

հնարավորություն

 | 

ավելի

 | 

ագրեսիվ

 | 

քաղաքականություն

 | 

որդեգրել

 | 

տնտեսագետը

 | 

բյուջեի

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources