Friday 22 November 2019
Home      All news      Contact us      English
tert.am - 1 month ago

Ֆրանսիայի խորհրդարանի պատգամավորները կոչ են արել կասեցնել Թուրքիայի անդամակցությունը ՆԱՏՕ-ին

Ֆրանսիայի խորհրդարանի ստորին պալատի 60 պատգամավորներից կազմված խումբը, որում ներառված են 8 քաղաքական խմբակցությունների ներկայացուցիչներ, կոչով դիմել է ֆրանսիական իշխանություններին՝ նշելով, որ Ֆրանսիան և ԵՄ-ն պետք է պատժամիջոցներ կիրառեն Թուրքիայի նկատմամբ՝ Սիրիայում ռազմական գործողություններ իրականացնելու համար, ընդհուպ Թուրքիայի անդամակցությունը ՆԱՏՕ-ին կասեցնելը: Այս մասին տեղեկացնում է tass.ru կայքը: Մենք խորապես վրդովված ենք Թուրքիայի հարձակումից Սիրիական Քուրդիստանի վրա, ինչպես նաև արևմտյան ժողովրդավարությունների անգործությունից այս միջամտության նկատմամբ, որը կոպտորեն խախտում է միջազգային իրավունքի նորմերը և ապակայունացնում է ամբողջ տարածաշրջանը, որն առանց այն էլ շատ է տառապել: Մենք կոչ ենք անում Ֆրանսիային և ԵՄ-ին անհապաղ ձեռնարկել բոլոր համապատասխան միջոցները ,- ասված է պատգամավորների հայտարարության մեջ: Այդ միջոցներից մեկը, ըստ պատգամավորների, Թուրքիայի անդամակցությունը ՆԱՏՕ-ին կասեցնելու գործընթաց սկսելն է, քանի որ Թուրքիայի քայլերը հարվածի տակ են դնում ընդհանուր անվտանգությունը : Բացի այդ, ֆրանսիացի խորհրդարանականները պահանջում են Թուրքիայի նկատմամբ կիրառել տնտեսական այնպիսի պատժամիջոցներ, որոնք արդեն կիրառվել են Ռուսաստանի նկատմամբ : Բացի դրանից, ֆրանսիացի պատգամավորները պնդում են նաև, որ Փարիզն ու Բրյուսելը պետք է հասնեն նրան, որ դադարեցվեն բոլոր բանակցությունները Թուրքիայի՝ ԵՄ-ին անդամակցելու վերաբերյալ, որն առանց այն էլ քիչ հավանական է և զրկել Թուրքիային բոլոր ֆինանսական աջակցություններից: Պատգամավորները համոզված են, որ ԵՄ-ն ու Ֆրանսիան պետք է ջանք չխնայեն, որ Թուրքիան որքան հնարավոր է արագ դադարեցնի իր ագրեսորական պատերազմը : Մենք պետք է պաշտպանենք մեր քուրդ դաշնակիցներին, որոնք առանց այն էլ ծանր գին են վճարել՝ կռվելով մեզ հետ միասին ,- ընդգծում են ֆրանսիական տարբեր կուսակցությունների ներկայացուցիչները: Մենք բարոյական պարտք ունենք քուրդ մարտիկների առաջ, այս քաջ կանանց և տղամարդկանց, որոնք հազարներով մահացել են, որ պաշտպանեն մեզ և որոնց Թուրքիայի նախագահը համարձակվում է անամոթաբար ահաբեկիչներ անվանել՝ չնայած, որ ինքն է հովանավորում տարբեր իսլամիստական խմբավորումների, այդ թվում՝ սիրիական ջիհադիստներին ,- ընդգծել են ստորին պալատի ներկայացուցիչները: Նրանք նաև կոչ են արել Ֆրանսիային գլխավորել եվրոպական օգնության նախաձեռնությունը, որը պատիվ կբերի ԵՄ-ին և ցույց կտա, որ ԵՄ-ն կարող է պատմություն կերտել՝ պաշտպանելով ոչ միայն իր ռազմավարական շահերը, այլ նաև իր դաշնակիցներին:

Related news

Latest News
Hashtags:   

Ֆրանսիայի

 | 

խորհրդարանի

 | 

պատգամավորները

 | 

կասեցնել

 | 

Թուրքիայի

 | 

անդամակցությունը

 | 
Most Popular (6 hours)

Most Popular (24 hours)

Most Popular (a week)

Sources