Tuesday 19 November 2019
Home      All news      Contact us      English
tert.am - 1 month ago

Փարիզի պատկերասրահներից մեկի տանիքին կստեղծվի աշխարհի ամենամեծ ֆերման (լուսանկարներ)

Փարիզում Agripolis գյուղատնտեսական ընկերությունը, քաղաքի բնակիչներին բնություն վերադարձնելու ջանքերի շրջանակում, պատկերասրահի տանիքում կկառուցի աշխարհի ամենամեծ ֆերման, գրում է Luxury Launches-ը: Հաղորդվում է, որ ֆերման կկառուցվի Փարիզի La Porte de Versailles պատկերասրահի տանիքին, որը կգործի 2020 թվականից: Ֆերմայի նախագծի հեղինակը ֆրանսիական Valode Pistre ընկերությունն է: Աղբյուրի հաղորդմամբ՝ տանիքում քաղաքային ֆերմայի կառուցումը նպատակ ունի պատկերասրահը դարձնել կայուն զարգացման մոդել, որն օրինակելի կլինի մյուս կառույցների համար: Ըստ հաղորդման՝ ֆերմայում կաշխատեն ավելի քան 20 այգեգործներ, կաճեցվեն 30 տեսակի բուսատեսակներ, միրգ-բանջարեղեն: Ակնկալվում է,որ այն բերքահավաքի թեժ շրջանում օրական 1000 կգ միրգ և բանջարեղենով կապահովի: Նախագծի հեղինակները բացառում են թունաքիմիկատների և պարարտանյութերի օգտագործումը: Ֆերմայում նախատեսված է անցկացնել նաև մի շարք կրթական ծրագրեր՝ գյուղատնտեսության վերաբերյալ դասընթացներ և միջոցառումներ: Agripolis գյուղատնտեսական ընկերության հիմնադիր Պասկալ Հարդին, մեկնաբանելով նախաձեռնության կարևորությունը, նշել է. Քաղաքի մեր տեսլականի համաձայն՝ բոլոր տանիքիները ծածկված պետք է լինեն կանաչապատ տարածքներով : Հարդիի խոսքով՝ դրանք բերքով կապահովեն հենց քաղաքի բնակիչներին:

Related news

Latest News
Hashtags:   

Փարիզի

 | 

պատկերասրահներից

 | 

տանիքին

 | 

կստեղծվի

 | 

աշխարհի

 | 

ամենամեծ

 | 

ֆերման

 | 

լուսանկարներ

 | 
Most Popular (6 hours)

Most Popular (24 hours)

Most Popular (a week)

Sources