Wednesday 20 November 2019
Home      All news      Contact us      English
tert.am - 1 month ago

Անգլիայում թոշակառու զույգը 40 տարի է ծախսել աշնանային գույներով պարտեզ ստեղծելու համար (լուսանկարներ)

Անգլիայի Ուեսթ Միդլենդս կոմսությունում թոշակառու ամուսիններ Մարի և Թոնի Նյուտոններն ավելի քան 37 տարի և 19 000 դոլար են ներդրել իրենց տան պարտեզն արվեստի գործի վերածելու համար, գրում է Daily Mail-ը: Աղբյուրը գրում է, որ պարտեզը տարվա բոլոր եղանակներին զարդարված է աշնանային գույներով, որից էլ ստացել է Չորս եղանակներ (The Four Seasons) անվանումը: Զույգի խոսքով՝ նրանք ավելի քան 3000 բույս, ծառ ու թուփ, ներառյալ՝ 450 նազվարդեր, 120 ճապոնական թխկիներ և այլ բուսատեսակներ են աճեցրել իրենց պարտեզում: 71-ամյա Թոնիի խոսքով՝ պարտեզի հիմքերը նա գցել է 1982 թվականին, երբ լքել է իր աշխատանքն ու որոշել այգեգործությամբ զբաղվել: Թոնիի խոսքով՝ կախված եղանակային պայմաններից՝ ինքն ու կինն օրական առնվազն 2 ժամ հատկացնում են պարտեզը խնամելուն: Հաճելի է, երբ ինքդ ես անում ամբողջ աշխատանքը ,- խոստովանել է պարտեզի տիրուհին և հավելել, որ այն տարվա չորս եղանակներին գունեղ է ու տպավորիչ: Զույգի խոսքով՝ այս տարիների ընթացքում 48 տարբեր երկրներից նրանք հյուրընկալել են ավելի քան 14 000 այցելուների, ինչը, այգեպան ամուսինների խոսքով, չափազանց հաճելի է: Չինացի ուսանողներ էին եկել մեր պարտեզ, որոնք հայտնեցին, որ մեր պարտեզի օրինակը ներառված է նրանց դասախոսություններից մեկում ,- հայտնել է զույգը:

Related news

Latest News
Hashtags:   

Անգլիայում

 | 

թոշակառու

 | 

զույգը

 | 

ծախսել

 | 

աշնանային

 | 

գույներով

 | 

պարտեզ

 | 

ստեղծելու

 | 

համար

 | 

լուսանկարներ

 | 
Most Popular (6 hours)

Most Popular (24 hours)

Most Popular (a week)

Sources