Tuesday 12 November 2019
Home      All news      Contact us      English
tert.am - 25 days ago

Եթե իշխանությունը դատական համակարգի նկատմամբ կատարվող գործողությունը «մարսի», հաջորդը լինելու են ԶԼՄ-ները, կուսակցությունները. բռնատիրությունը բնորոշ կլինի մեր երկրին. Արծվիկ Մինասյան (տեսանյութ)

Ակնհայտ է, որ գործող քաղաքական իշխանությանը ձեռնտու չէ այն դատական համակարգը, որը կարող է քաղաքական իշխանությանն ասել ոչ : Նրանք ամեն ինչ անում են, որպեսզի այդպիսի դատարան չունենան: Այս մասին Tert.am-ի հետ զրույցում ասաց ՀՅԴ Գերագույն մարմնի անդամ Արծվիկ Մինասյանը՝ անդրադառնալով Սահմանադրական դատարանի նախագահ Հրայր Թովմասյանի դեմ արշավին: Արծվիկ Մինասյանը կիսում է այն տեսակետները, որ ՍԴ նախագահի նկատմամբ կատարվող գործողությունները պայմանավորված են Մարտի 1-ի գործով, որտեղ առանցքային որոշումներ են սպասվում Ռոբերտ Քոչարյանի վերաբերյալ, ինչպես նաև այն, որ իշխանությանը պարզապես ձեռնտու չէ ունենալ անկախ դատական համակարգ: Դա կեղծ թեզ է, որ հայտարարում են՝ մենք ուզում ենք անկախ դատարան ունենալ: Անկախ դատարանն այն է, որ կարողանում է քաղաքական մեծամասնությանը ոչ ասել: Օրենքի գերակայությունն այս սկզբունքներն է առաջադրում, ոչ թե հակառակը՝ քաղաքական մեծամասնության ցանկությունը կատարելը, ինչը մենք հաճախ տեսնում ենք ,- նշեց նա: Արծվիկ Մինասյանի խոսքով՝ քաղաքական իշխանությունը տարբեր ուղղություններով ձախողումներ է ունենում, և հասարակության ուշադրությունը դրանցից շեղելու համար նոր թիրախներ են անհրաժեշտ: Հասարակության ականջին արդեն սովորական է դարձել նախորդ հանցավոր ռեժիմ արտահայտությունը, անընդհատ մարդ բռնելու գործողությունը: Ի վերջո, պարզ քաղաքացուն հետաքրքրում է՝ երբ է իր կենսամակարդակը բարելավվելու: Չի կարող անընդհատ որևէ մեկին բռնելու արդյունքում իր կենսամակարդակը լավանալ: Այս ընթացքը որպեսզի անընդահատ թեժ պահեն, գործողություններ են ձեռնարկում ,- ասաց ՀՅԴ ԳՄ անդամը: Արծվիկ Մինասյանը չի բացառում, որ եթե իշխանությունները դատական համակարգի նկատմամբ կատարվող գործողությունը մարսեն , հաջորդ գործողությունները լինելու են ԶԼՄ-ների, քաղաքական կուսակցությունների նկատմամբ. Առհասարակ, որևէ այլակարծություն, իրենց տերմինաբանությամբ, բնում խեղդելու գործողություն կարող են ձեռնարկել, որի հետևանքով բռնատիրությունը բնորոշ կլինի մեր երկրին: Այսինքն, իշխանությունը, որը ձևավորվել է ժողովրդի քվեարկությամբ, կվերածվի նույն ժողովրդին ճնշելու ամենաբիրտ գործիքի : Ինչ վերաբերում է Մարտի 1-ի գործի վերաբացմանը, քաղաքական գործիչը նշեց, որ այժմ քննարկվում է ոչ թե 2008 թ.-ի մարտի 1-2-ին տեղի ունեցած դեպքերը, այլ տեղի է ունենում անձնական և քաղաքական վրեժխնդրություն. Անձնական վրեժխնդրություն մի մարդու կողմից, որը զրկանքներ է կրել: Քաղաքական վրեժխնդրություն մի մարդու կողմից, որը պարտվել է 90-ական թվականներին իր զիջողական քաղաքականության արդյունքում և 2008-ին էլ պարտվեց իր ոչ ազգային դիմագծի արդյունքում: Սա շատ պարզ է, մարդը քաղաքական վրեժխնդրություն է ուզում, և կարծեք, այսօրվա իշխանությունում իր մարդկանց ներդնելով, արդյունքի է փորձում հասնել ,- նշեց նա: Տեսեք, Մարտի 1-ի հետ կապված ինչ է կատարվում՝ բառապաշարը, ձևակերպումները, որոնք օգտագործվում են: Առաջին ալիքով ամեն թողարկման ժամանակ, որտեղ խոսվում է Մարտի 1-ի մասին, ասվում է՝ մարտի 1-2-ի դեպքերի առանցքային մեղադրյալ և 2-րդ նախագահի անունն են տալիս: Այսինքն, հասարակությունում ձևավորում են այդ մթնոլորտը, որ տեսեք, մենք գտել ենք գլխավոր հանցագործին: Սա տանում է հասարակությունը պառակտելու, ճշմարտությունը իրականում քողարկելու ճանապարհով ,- ասաց նա: Արծվիկ Մինասյանի կարծիքով՝ ներկայիս իշխանությունների վարած կադրային քաղաքականությունը բոլոր մակարդակներում ամբողջությամբ ձախողված է: Ըստ նրա՝ այսօր կարևոր է ոչ թե պրոֆեսիոնալ ու հայրենասիրական մոտեցումը, ոլորտին տիրապետելը, այլ՝ որքանով է կադրը ծառայում իշխանությանը: Սրա շրջանակում սկսեց վարվել մի աննորմալ կադրային քաղաքականություն, որտեղ մարդը կենսագրություն չունենալով, չպատկերացնելով պետական համակարգը՝ հանկարծ հայտնվում է մի պաշտոնում, որտեղ պետք է որոշումներ կայացնի: Թե՛ օրենսդիրում, թե՛ գործադիրում, թե՛ տարածքային կառավարման մարմիններում մենք տեսնում ենք, որ այնքան անփույթ վերաբերմունք է դրսևորվում, որ պարզապես վաղը, մյուս օրը կարող ենք մեղադրել իշխանություններին երիտասարդությանն այս աստիճանի փչացնելու գործում ,- նշեց Արծիկ Մինասյանը: Մանրամասները՝ տեսանյութում:

Related news

Latest News
Hashtags:   

իշխանությունը

 | 

դատական

 | 

համակարգի

 | 

նկատմամբ

 | 

կատարվող

 | 

գործողությունը

 | 

մարսի

 | 

հաջորդը

 | 

լինելու

 | 

կուսակցությունները

 | 

բռնատիրությունը

 | 

բնորոշ

 | 

կլինի

 | 

երկրին

 | 

Արծվիկ

 | 

Մինասյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources