Wednesday 20 November 2019
Home      All news      Contact us      English
tert.am - 1 month ago

Էրդողանը մանրամասնել է Սիրիայի հարցում ԱՄՆ-ի հետ ձեռք բերված պայմանավորվածությունները

Թուրքիայի նախագահ Ռեջեփ Թայիփ Էրդողանը հայտարարել է, որ հոկտեմբերի 22-ին Սոչիում ՌԴ նախագահ Վլադիմիր Պուտինի հետ մտադիր է քննարկել Սիրիայի հյուսիսում անվտանգության գոտու ստեղծման հաջորդ փուլը: Այս մասին տեղեկացնում է Риа Новости-ն: Այն, ինչին մենք ձգտում էինք, երեկ իրականություն դարձավ: Փենսի հետ բանակցությունների արդյունքը եղավ երեկվա 13 կետից բաղկացած համատեղ հայտարարությունը: Ահաբեկչական կազմակերպությունը 32 կիլոմետր լայնությամբ և 444 կմ երկարությամբ՝ արևմուտքից արևելք կհեռանա անվտանգության գոտուց, ինչպես և մենք պայմանավորվել էինք: Երեքշաբթի Պուտինի հետ կխոսեմ հաջորդ փուլի մասին: Հուսով եմ, այդպիսով հնարավոր կլինի մեր օպերացիայի դիմաց դրված բոլոր նպատակները իրականացնել ,- ասել է Էրդողանը լրագրողներին: Հիշեցնենք, որ ԱՄՆ փոխնախագահ Մայք Փենսի, պետքարտուղար Մայք Պոմպեոյի և Թուրքիայի նախագահ Ռեջեփ Թայիփ Էրդողանի միջև հինգշաբթի կայացած բանակցությունների արդյունքում համաձայնություն է ձեռք բերվել Սիրիայում կրակի դադարեցման շուրջ: Ըստ հայտարարության՝ Թուրքիան 120 ժամով կդադարեցնի Սիրիայում սկսած իր ռազմարշավը, որպեսզի քրդական զորամիավորումները դուրս բերվեն Սիրիայի հետ սահմանին ստեղծվող անվտանգության գոտուց: Հոկտեմբերի 9-ին Թուրքիան հայտարարել էր Սիրիայի հյուսիսում Խաղաղության ակունք գործողության մեկնարկի մասին, որն ուղղված է Քրդստանի աշխատավորական կուսակցության և Իսլամական պետություն ահաբեկչական խմբավորման դեմ: Թուրքական ավիացիան հենց նույն օրը հարվածներ էր հասցրել երկու երկրների սահմանին գտնվող Ռաս ալ Այն և Սիրիայի մի շարք այլ քաղաքների:

Related news

Latest News
Hashtags:   

Էրդողանը

 | 

մանրամասնել

 | 

Սիրիայի

 | 

հարցում

 | 

բերված

 | 

պայմանավորվածությունները

 | 
Most Popular (6 hours)

Most Popular (24 hours)

Most Popular (a week)

Sources