Monday 18 November 2019
Home      All news      Contact us      English
tert.am - 1 month ago

Բողոքի ակցիաներ Կատալոնիայում. տուժել է ավելի քան 70 մարդ, կա 25 ձերբակալված (լուսանկարներ, տեսանյութ)

Հոկտեմբերի 15-ին Կատալոնիայի ինքնավար շրջանում Իսպանիայի գերագույն դատարանի կողմից կատալոնացի քաղաքական գործիչների նկատմամբ դատավճռի դեմ բողոքի ակցիաների ընթացքում տուժել է առնվազն 74 մարդ, գրում է El Pais թերթը: Նշվում է, որ ամբողջ օրվա ընթացքում ինքնավար շրջանում ցույցեր են անցկացվել, որոնց մասնակիցները փակել են ճանապարհները: Երեկոյան բազմաթիվ քաղաքներում ցույցեր են տեղի ունեցել Իսպանիայի կառավարության ներկայացուցչությունների դիմաց: Հաղորդվում է, որ ակցիաների կազմակերպիչներն են Կատալոնիայի ազգային ասամբլեան և Omnimum Cultural կազմակերպությունը, որոնք հանդես են գալիս թագավորության կազմից ինքնավար շրջանի դուրս գալու օգտին: Բարսելոնայում հանրահավաքին միացել է մոտ 40 հազար մարդ: Թերթը հաղորդում է, որ բողոքի ակցիայի մասնակիցների մի մասը սկսել է ագրեսիվ վարքագիծ դրսևորել կարգուկանոն ապահովող ոստիկանների նկատմամբ: Իրավապահները հետ են մղել ցուցարարներին՝ կիրառելով մահակներ: Ակցիայի մասնակիցները փորձել են բարիկադներ կառուցել Բարսելոնայի կենտրոնում, այրել աղբամանները, կոտրել ցուցափեղկերը: Աղբյուրի հաղորդմամբ՝ իրավապահներն ուժ են կիրառել նաև Իսպանիայի մյուս շրջաններում բողոքի ցույցերի մասնակիցների նկատմամբ: Կատալոնիայում ձերբակալվել է 25 մարդ, 3-ը՝ Բարսելոնայում: Հիշեցնենք, որ կատալոնացի քաղաքական գործիչները, որոնք կապված էին 2017 թվականին Կատալոնիայի ինքնավար շրջանում անկախության հանրաքվե կազմակերպելու հետ, դատապարտվել են մինչև 13 տարվա ազատազրկման: Իսպանիայի գերագույն դատարանն այս որոշումը հրապարակել էր հոկտեմբերի 14-ին: Հիշեցնենք, որ 2017 թվականի հոկտեմբերի 1-ին Կատալոնիայում անց էր կացվել անկախության հարցով հանրաքվե, որը չէր ճանաչվել Իսպանիայի կողմից, Սահմանադրության 155-րդ հոդվածով սահմանափակվել էին Կատալոնիայի ինքնիշխանության իրավունքները: Այդ իրադարձություններից հետո մի շարք կատալոնացի քաղաքական գործիչներ ձերբակալվել էին, մի մասն էլ փախել էր Իսպանիայից, այդ թվում՝ Կատալոնական ինքնավարության նախկին ղեկավար Կառլոս Պուչդեմոնը: Նա ներկայում ապաստանել է Բելգիայի Թագավորությունում:

Related news

Latest News
Hashtags:   

Բողոքի

 | 

ակցիաներ

 | 

Կատալոնիայում

 | 

տուժել

 | 

ավելի

 | 

ձերբակալված

 | 

լուսանկարներ

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources