Tuesday 12 November 2019
Home      All news      Contact us      English
tert.am - 28 days ago

Ի՞նչ է հելլինիզմը, և ե՞րբ այն տարածվեց Հայաստանում. պատմական գիտությունների դոկտոր Հակոբ Հարությունյանը մեկնաբանում է (տեսանյութ)

Հունարենի տարածումը հանգեցրեց նրան, որ հայ հասարակության մտավորականության բոլոր ժամանակների լավագույն ներկայացուցիչները անպայման պետք է հունարեն իմանային, և առանց հունարենի նրանք չէին կարող շրջանցել գիտության այն բնագավառը, որով զբաղվում էին: Այս մասին Tert.am-ի հետ զրույցում ասաց պատմական գիտությունների դոկտոր, դոցենտ Հակոբ Հարությունյանը՝ խոսելով՝ հունականության, հելլենիզմի տարածման և այդ թեմայով իր մենագրությունների մասին: Հունարենը ժողովուրդների շրջանում սկսվեց տարածվել դեռևս մ.թ.ա. 8-6-րդ դարերում այսպես կոչված, հունական մեծ գաղութայնացման դարաշրջանում, և հույները Միջերկրական ծովի, Սև ծովի ավազանի տարբեր շրջաններում հիմնեցին իրենց գաղութները ,- նշեց Հարությունյանը: Ըստ նրա՝ դեռևս այդ ժամանակ հունարենը այդպիսի մեծ տարածում չստացավ, ինչը տեղի ունեցավ հետագայում Ալեքսանդր Մակեդոնացուց հետո, և այն պատմության մեջ ընդունված է անվանել հելլինիզմի դարաշրջան: Այն սկսվում է Մակեդոնացու արշավանքի 1-ին օրից, այսինքն 334 թվականից մինչև հելլինիզմի ավարտը մեր թվարկության 30 թվականը ,- ասաց նա: Հարությունյանը ներկայացրեց, որ ցանկացած հումանիտար գիտության մեջ հունարենը չափից ավելի նշանակություն է ունեցել, սակայն մաթեմատիկայում ևս կարևոր դեր ունի: Հունականության տարածումը Հայաստան ավելի ուշ է հասել, սակայն իր մեծ նշանակությունն է ունեցել հասարակության զարգացման համար: Հունականությունը նույն հելլենիզմ տերմինն է, որը նշանակում է՝ նմանվում եմ հույներին: Հելլինիզմը Հայաստանում սկսեց տարածվել Արտաշես 1-ինի շնորհիվ: Բայց դժբախտաբար նրա գործունեությունն արժանվույն չի գնահատվել ,- ասաց նա: Հարությունյանի խոսքով՝ Արտաշես 1-ին թագավորի օրոք Հայաստանում հունարենի շնորհիվ ստեղծվեց մի ժամանակահատված, որը կոչվեց բիլինգվիզմ, և ըստ նրա՝ երբ Հայաստանում արդեն հելենիզմը գոյություն չուներ, միևնույն է՝ դրանից հետո Հայաստանում շարունակում էին կազմվել հունական արձանագրություններ, որոնք կարևոր են մեր պատմության մեջ: Հունարենը չի մեռել, ընդհակառակը՝ հունարենը բարգավաճում է ,- ասաց նա և հավելեց, որ ներկայումս ևս Հայաստանում կան մասնագետներ, ովքեր թույլ չեն տա, որպեսզի հունարենը շրջանառությունից դուրս գա: Մանրամասները՝ տեսանյութում:

Related news

Latest News
Hashtags:   

հելլինիզմը

 | 

տարածվեց

 | 

Հայաստանում

 | 

պատմական

 | 

գիտությունների

 | 

դոկտոր

 | 

Հակոբ

 | 

Հարությունյանը

 | 

մեկնաբանում

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources