Wednesday 20 November 2019
Home      All news      Contact us      English
tert.am - 1 month ago

Բորիս Ջոնսոնը խոստացել է Մեծ Բրիտանիան դարձնել «մոլորակի ամենազորեղ պետությունը»

Մեծ Բրիտանիայի վարչապետ Բորիս Ջոնսոնը խոստացել է Մեծ Բրիտանիան դարձնել մոլորակի ամենազորեղ պետությունը և հայտնել է, որ թագուհու ճառը միանգամայն համընկնում է իր՝ Brexit-ի գործընթացի և բաց, ազատ առևտրային պետության տեսլականի հետ, գրում է Daily Mail-ը: Աղբյուրը գրում է, որ Մեծ Բրիտանիայի թագուհի Էլիզաբեթ 2-րդի ելույթը, որի ժամանակ թագուհին հայտնել է, որ Եվրամիությունից դուրս գալը Մեծ Բրիտանիայի առաջնահերթությունն է, բորբոքել և վերահաստատել է Բորիս Ջոնսոնի անել կամ մեռնել խոստումը: Սակայն Բրյուսելում բանակցությունները, գրում է աղբյուրը, թվում է՝ փակուղի են մտել, թեև այսօր Իռլանդիայի փոխվարչապետ Սայմոն Քովնին գործարքը հնարավոր էր համարել: Իր ելույթում Բորիս Ջոնսոնը պնդել է, որ կօգնի այս հիանալի պետությանն առաջ շարժվել : Մարդիկ հոգնել են լճացումից, փակուղուց և ցանկանում են փոփոխություն տեսնել, նրանք չեն ցանկանում սպասել Brexit-ի իրականացմանը ,- ասել է նա: Հիշեցնենք, որ երեկ Մեծ Բրիտանիայի թագուհի Էլիզաբեթ 2-րդը խորհրդարանի նոր նստաշրջանի պաշտոնական բացման արարողությանը հանդես էր եկել միապետական ճառով, որի ժամանակ հայտնել էր, որ Մեծ Բրիտանիայի կառավարությունը Brexit-ը կիրականացնի հոկտեմբերի 31-ին և մտադիր է Եվրամիության հետ գործընկերության նոր սխեմա մշակել, որը կամրապնդի բրիտանական տնտեսության կայունությունը: Իմ կառավարությունը մտադիր է Եվրամիությունից դուրս գալն իրականացնել հոկտեմբերի 31-ին ,- հայտնել էր Էլիզաբեթ 2-րդը:

Related news

Latest News
Hashtags:   

Բորիս

 | 

Ջոնսոնը

 | 

խոստացել

 | 

Բրիտանիան

 | 

դարձնել

 | 

մոլորակի

 | 

ամենազորեղ

 | 

պետությունը

 | 
Most Popular (6 hours)

Most Popular (24 hours)

Most Popular (a week)

Sources