Tuesday 19 November 2019
Home      All news      Contact us      English
tert.am - 1 month ago

Համոզված ենք, որ հայ-վրացական հարաբերությունների շարունակական զարգացումը պետք է զերծ լինի ցանկացած արտաքին գործոնների ազդեցությունից․ Նիկոլ Փաշինյան

Հայաստանի վարչապետ Նիկոլ Փաշինյանը և Վրաստանի վարչապետ Գեորգի Գախարիան առանձնազրույցից և երկու երկրների պատվիրակությունների ընդլայնված կազմով բանակցություններից հետո հանդիպել են ԶԼՄ ներկայացուցիչներին և հանդես եկել մամուլի համար հայտարարություններով: ՀՀ վարչապետ Նիկոլ Փաշինյանը ողջունել է եղբայրական Վրաստանի վարչապետին և նրա գլխավորած պատվիրակությանը և նշել, որ վստահ է՝ Վրաստանում նկատել են, որ իր՝ ՀՀ վարչապետի պաշտոնում ընտրվելու օրվանից հայ-վրացական բարեկամական հարաբերություններն սկսել են զարգանալ առանձնահատուկ ջերմությամբ, անմիջական և վստահելի երկխոսությամբ: Պատահական չէ, որ վարչապետի պաշտոնում իմ առաջին արտագնա այցը կատարեցի հենց Վրաստան: Եվ ես ուրախ եմ, որ մեր շփումների դինամիկան, փոխվստահության մակարդակը, ինչպես նաև Ձեր ներկայիս այցը խոսում են այն մասին, որ Վրաստանը ևս առանձնահատուկ կարևորություն է տալիս Հայաստանի հետ իր հարաբերություններին ․-ասել է Փաշինյանը։ Փաշինյանը նշել է, որ գործընկերոջ հետ քննարկել են երկկողմ օրակարգային հարցերի գրեթե ողջ շրջանակը: Հայաստանի արտաքին քաղաքականության կարևորագույն խնդիրներից է տարածաշրջանային խաղաղության և անվտանգության մթնոլորտի ձևավորումը։ Այս առումով համոզված ենք, որ հայ-վրացական հարաբերությունների շարունակական զարգացումը պետք է զերծ լինի ցանկացած արտաքին գործոնների ազդեցությունից։ Համակարծիք ենք, որ դրանց համապարփակ և տևական կարգավորումը հնարավոր է բացառապես խաղաղ ճանապարհով՝ միջազգային իրավունքի սկզբունքներին համապատասխան։ Ես վերստին հայտնեցի մեր այն դիրքորոշումը, որ յուրաքանչյուր հակամարտություն ուրույն է, և, հետևաբար, լուծումներն էլ պետք է բխեն դրանց էությունից ,-նշել է Նիկոլ Փաշինյանը: Վարչապետը հավելել է նաև, որ բարձր են գնահատել երկարատև ընդմիջումից հետո հայ-վրացական միջկառավարական հանձնա ժողովի աշխատանքների վեր սկսումը և վստահ են, որ համատեղ ջանքերով հնարավոր կլինի կարճ ժամկետում իրագործել հանձնաժողովի 10-րդ նիստի արձանագրության մեջ տեղ գտած պայմանավորվածությունները: Շատ կարևոր էր, որ նիստի շրջանակներում անցկացվեց նաև հայ-վրացական գործարար համաժողով, ինչն իր հերթին կարող է լայն հնարավորություններ բացել մեր երկրների առևտրատնտեսական համագործակցության համար։ Կարևորեցինք տրանսպորտային և էներգետիկ ծրագրերի իրականացման նշանակությունը՝ ինչպես երկկողմ տնտեսական հարաբերությունների զարգացման, այնպես էլ տարածաշրջանային կայունության ապահովման տեսանկյունից ,-ընդգծել է Փաշինյանը։

Related news

Latest News
Hashtags:   

Համոզված

 | 

վրացական

 | 

հարաբերությունների

 | 

շարունակական

 | 

զարգացումը

 | 

ցանկացած

 | 

արտաքին

 | 

գործոնների

 | 

ազդեցությունից․

 | 

Նիկոլ

 | 

Փաշինյան

 | 
Most Popular (6 hours)

Most Popular (24 hours)

Most Popular (a week)

Sources