Saturday 16 November 2019
Home      All news      Contact us      English
tert.am - 1 month ago

«Միխայիլ Խաչատուրյանը դուստրերից մեկին բռնությամբ սեռական մերձեցման է պարտադրել». հորը սպանած Խաչատուրյան քույրերի փաստաբանները գործի վերաբերյալ նոր մանրամասներ են հրապարակել

Ավելի քան մեկ տարի է ՌԴ-ում դատարանը քննում է հորը դաժանորեն սպանած Խաչատուրյան քույրերի գործը: Վերջերս գործի առնչությամբ ցնցող մանրամասներ են ի հայտ եկել, գրում է РИА Новости-ն: Անցյալ տարվանից հանրությունը հետևում է Խաչատուրյան քույրերի ճակատագրին (20-ամյա Քրիստինայի, 19-ամյա Անգելինայի, 18-ամյա Մարիայի): Ըստ քույրերի փաստաբանի Խաչատուրյանը հատուկ զանգ է ունեցել, որի օգնությամբ նա դուստրերին կանչում էր իր մոտ և տարբեր հրահանգներ տալիս ուտելիք, խմիչք բերել, կանգնել կողքը, մինչև նա չքնի և այլն: Տանը հատուկ կանոններ են գործել, որոնց չհետևելու դեպքում հայրը դաժանորեն պատժել է դուստրերին: Փաստաբանների խոսքով հայրը նույնիսկ մի քանի անգամ օդամղիչ ատրճանակով կրակել է աղջիկների ուղղությամբ: Ուսումնասիրելով բոլոր փաստերը իրավապահ մարմինները, այնումենայնիվ, համոզվում են, որ աղջիկները, ամեն դեպքում, երկար ժամանակ հոր ծաղրուծանակի զոհն են եղել: Վերջերս հայտնի են դարձել դատաբժշկական փորձաքննության մանրամասները: Երկար ժամանակ փորձագետներն ուսումնասիրել են գործի բոլոր մասնրամասները Միխայիլ Խաչատուրյանի հոգեբանական պատկերի վերաբերյալ եզրակացություն տալու համար: Ըստ mash.ru-ի տվյալների դատաբժշկական փորձագետները պարզել են, որ Խաչատուրյանը հոգեկան խանգարումներ է ունեցել, որի հետևանքով նրա մոտ ագրեսիայի ծայրահեղ դրսևորումներ են եղել: Բացի դրանից Խաչատուրյանը հիպերդերային համախտանիշ է ունեցել, ինչը ենթադրում է կանանց հանդեպ ծայրահեղ ատելության դրսևորումներ և նրանց նսեմացնելու շարունակական ցանկություն: Այս ամենի համատեքստում նաև պարզ է դարձել, որ Խաչատուրյանը դուստրերից մեկին բռնությամբ սեռական մերձեցման է պարտադրել: Աղբյուրը չի նշում, թե քույրերից հատկապես ով է ենթարկվել նման բռնության, սակայն հայտնի է, որ այն կես տարուց ավելի է ձգվել: Փաստաբանները հույս ունեն, որ գործի բոլոր հանգամանքների ուսումնասիրության արդյունքում պաշտպանյալները վերջիվերջո ազատ կարձակվեն: Հունիսին ՔԿ-ն քույրերի դեմ վերջնական խմբագրմամբ մեղադրանք էր առաջադրել՝ Նախնական պայմանավորվածությամբ մի խումբ անձանց կողմից իրականացված սպանություն հոդվածով: Այս հոդվածով նրանց սպառնում է մինչև 20 տարվա ազատազրկում: Հիշեցնենք, որ 57-ամյա Միխայիլ Խաչատուրյանը 2018թ. հուլիսին սպանված էր հայտնաբերվել իր մոսկովյան տանը: Նրա դիակի վրա հայտնաբերվել էին բազմաթիվ վնասվածքներ: Տղամարդու 17, 18 և 19 տարեկան դուստրերը ձերբակալվել էին: Նշվում է, որ Միխայիլ Խաչատուրյանը տարիներ շարունակ երեք քույրերին ենթարկել է ֆիզիկական և սեռական բռնության: Քույրերի պաշտպանությունը, ինչպես նաև հանրությունը պնդում են, որ աղջիկների գործողությունները կրել են ինքնապաշտպանական բնույթ և չեն կարող դիտարկվել որպես նախապես պայմանավորված խմբակային հանցագործություն:

Related news

Latest News
Hashtags:   

Միխայիլ

 | 

Խաչատուրյանը

 | 

դուստրերից

 | 

մեկին

 | 

բռնությամբ

 | 

սեռական

 | 

մերձեցման

 | 

պարտադրել

 | 

սպանած

 | 

Խաչատուրյան

 | 

քույրերի

 | 

փաստաբանները

 | 

գործի

 | 

վերաբերյալ

 | 

մանրամասներ

 | 

հրապարակել

 | 
Most Popular (6 hours)

Most Popular (24 hours)

Most Popular (a week)

Sources